قازاقستاندىق تازى ٶسٸرۋشٸ اننا زاحاروۆا ٶزٸنە مەملەكەت باسشىسى قاسىم-جومارت توقاەۆ سىيلاعان قولساعاتتى ساتۋعا قويعانىن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بۇل ساعاتتى وعان پرەزيدەنت 2023 جىلى ناۋرىز مەرەكەسٸ كەزٸندە تارتۋ ەتكەن. سول كەزدە اننا زاحاروۆا قاسىم-جومارت توقاەۆقا بٸر جارىم ايلىق تازى كٷشٸگٸن سىيلاعان بولاتىن. پرەزيدەنت ٶز كەزەگٸندە وعان جەكە قولتاڭباسى قويىلعان ساعات تابىستاعان.
ارادا ٷش جىل ٶتكەن سوڭ ساعات يەسٸ بۇل سىيلىقپەن قوشتاسۋعا شەشٸم قابىلداعان. ول بۇيىمنىڭ ٶزٸ ٷشٸن ەرەكشە ەستەلٸك ەرٸ مەرتەبەلٸ سىي ەكەنٸن ايتقانىمەن, ونى تاعۋدى جوسپارلامايتىنىن جەتكٸزدٸ. ساعاتپەن بٸرگە ساتىپ الۋشىعا ونىڭ تٷپنۇسقالىعىن راستايتىن بارلىق قاجەتتٸ قۇجاتتار دا بەرٸلەدٸ.
قازٸرگٸ ۋاقىتتا ساعاتتىڭ باعاسى 2 899 000 تەڭگە بولىپ بەلگٸلەنگەن. ساتۋشى ساۋدالاسۋعا دايىن ەكەنٸن دە اتاپ ٶتكەن.
اننا زاحاروۆانىڭ پٸكٸرٸنشە, بۇل زات كوللەكتسيونەرلەردٸڭ قىزىعۋشىلىعىن تۋدىرۋى مٷمكٸن. ونىڭ بولجامىنشا, ۋاقىت ٶتە كەلە ساعاتتىڭ قۇنى ايتارلىقتاي ٶسٸپ, الداعى ون جىل ٸشٸندە 30 ميلليون تەڭگەگە دەيٸن جەتۋٸ ىقتيمال.
