Qazaqstannyń Bas prokýratýrasy Quryltai sailaýy qarsańynda azamattardy sailaý zańnamasynyń talaptaryn qatań saqtaýǵa shaqyrdy. Qadaǵalaý organynyń málimetinshe, sailaý naýqany zań aiasynda ótip jatyr. Degenmen osy ýaqytqa deiin zańsyz saýalnama júrgizý jáne tyiym salynǵan úgit-nasihatqa qatysty 8 derek anyqtalǵan, dep habarlaidy dalanews.kz.
Zań talaptaryn buzǵan azamattarǵa aiyppul salynyp, zańsyz jariialanǵan materialdar óshirilgen.
Sailaýaldy úgit-nasihat jumystary 22 tamyzda saǵat 00:00-de resmi túrde aiaqtalady. Al 22 jáne 23 tamyzda «tynyshtyq kúni» rejimi kúshine enedi. Bul kezeńde kez kelgen úgit júrgizýge tyiym salynady.
Buǵan deiin ornalastyrylǵan úgit plakattary men áleýmettik jelilerdegi jazbalardy óshirý mindetti emes. Alaida mundai materialdardy internet-resýrstardyń basty betine qaita shyǵarýǵa bolmaidy. Talapty buzǵandarǵa 35 ailyq eseptik kórsetkishke deiin aiyppul salynýy múmkin.
Bas prokýratýra ókilderi toltyrylǵan sailaý biýlletenin fotoǵa nemese videoǵa túsirýge jáne ony jariialaýǵa tyiym salynǵanyn da eskertti. Sonymen birge daýys berý aiaqtalǵanǵa deiin sailaýǵa qatysty saýalnamalar men boljamdardy jariialaýǵa bolmaidy.
"Azamattardy zań talaptaryn saqtaýǵa, arandatýshylyq áreketterge ermeýge, kelisilmegen aktsiialarǵa qatyspaýǵa jáne áleýmettik jelilerde jalǵan aqparat taratpaýǵa shaqyramyz", - delingen Bas prokýratýranyń úndeýinde.
