Ishki naryqtaǵy kartop baǵasyn turaqtandyrý maqsatynda Saýda qyzmeti máseleleri jónindegi vedomstvoaralyq komissiia otyrysynda kartopty úshinshi elderge tasýǵa tyiym salyndy. Shekteý merzimi alty aidy qamtidy,dep habarlaidy Dalanews.kz.
Úkimettiń bapasóz qyzmetiniń habarlaýynsha, qabyldanǵan bul shuǵyl shara EAEO elderine qoldanylmaidy, alaida bul baǵyttaǵy eksportqa baqylaý júrgiziledi. Sonymen qatar qalyptasqan jaǵdaidy eskere otyryp, biylǵy 16 qańtarda eksportqa fitosanitariialyq sertifikattar berý tolyǵymen toqtatyldy.
Kartop baǵasynyń qymbattaýyna ne túrtki?
Kórshi elderdiń, ásirese Ózbekstan tarapynan suranystyń artýyna jáne eksporttyq baǵanyń joǵary bolýyna bailanysty biyl kartop eksporty 1,5 esege, iaǵni 411 myń tonnadan 605 myń tonnaǵa deiin ósti. Kartopqa degen asa joǵary suranys ishki naryqqa áser etti. Máselen, sońǵy aptada eksportqa baǵyttalǵan óndirýshiler arasynda baǵanyń kúrt ósýi (170 teńgeden 270 teńgege deiin) tirkeldi.
"Qabyldanǵan sharalar kartop baǵasynyń turaqtylyǵyn qamtamasyz etýge, baǵanyń negizsiz ósýine jol bermeýge jáne naryqqa qatysýshylar tarapynan alypsatarlyq áreketterge jol bermeýge baǵyttalǵan", delingen Úkimet túsiniktemesinde.
Sondai-aq Saýda jáne integratsiia ministrliginiń aýmaqtyq organdary monopoliiaǵa qarsy organnyń aýmaqtyq bólimshelerimen birlese otyryp, jaǵdaiǵa kúsheitilgen qadaǵalaý júrgizedi jáne saýda qyzmeti máseleleri boiynsha qoldanystaǵy zańnamany buzǵan jaǵdaida olar naryqqa qatysýshylarǵa shuǵyl yqpal etý sharalaryn qabyldaidy.
QR AShM derekteri boiynsha, búgingi tańda qolda bar qorlar 2025 jylǵy erte egin jinaý naýqanyna deiin ishki qajettilikti tolyq jabý úshin jetkilikti. 19 qańtardaǵy jaǵdai boiynsha qorlar saýda jelilerindegi qorlardy esepke almaǵanda 850 myń tonnadan asady (kartop ósirýshiler qaýymdastyǵy boiynsha 600 myń tonna, turaqtandyrý qorlaryndaǵy 68 myń tonna, jeke qosalqy jáne shaǵyn sharýashylyqtardaǵy jertólelerde 200 myń tonnadan astam).
Aita ketsek, 2024 jyly kartoptyń jalpy ónimi 2,9 mln tonnany qurady (onyń ishinde erte ónim – 300 myń tonna). 2024 jyly import 56 myń tonnany qurady. Naryqqa taratý úshin kartoptyń kólemi 2024 jyldyń tamyz aiynan bastap 2,6 mln tonnany quraidy, halyqtyń jalpy qajettiligi – 1,5 mln tonna (onyń ishinde qalalyq 954 myń tonna) erte egin jinaý naýqanyna deiin (qańtar-sáýir). 2024 jylǵy tamyzdan jeltoqsanǵa deiin – 844 myń tonna, eksporttaldy – 620 myń tonna (2024 jylǵy qańtardan jeltoqsanǵa deiin). 2025 jylǵa arnalǵan boljamdy tutyný kólemi (qańtar-sáýir) – 675 myń tonna.
Buǵan deiin saitymyzda "Benzin men dizel otyny qymbattaǵaly jatyr. Sarapshylar muny nege jaqsylyqqa balaidy" degen maqala jariialanǵan edi.
