Oqý-aǵartý ministri Ǵani Beisembaev "Jaily mektep" ulttyq jobasy aiasynda Qazaqstanda neshe mektep salynatynyn málimdedi, dep habarlaidy Dalanews.kz.
Ministr 2024-2025 jyldary 740 myń oryndyq 369 mektep ashý josparlanǵanyn atap ótti. Al osy jyly 217 mektep (onyń 163-i aýyldyq jerde) jumysyn bastaidy.
"Ulttyq jobany júzege asyrýǵa respýblikalyq biýdjetten 2,3 trillion teńge bólindi: 2023 jylǵa – 500 milliard teńge, 2024 jylǵa – 976,3 milliard teńge, 2025 jylǵa – 909,4 milliard teńge", – dedi Ǵani Beisembaev.
Eske salaiyq, "Jaily mektep" ulttyq jobasy jyldar boiy sheshimin tappai kele jatqan úsh aýysymmen oqytatyn jáne apatty mektepter men oqýshy oryndarynyń tapshylyǵyn joiýǵa baǵyttalǵan.
