Bul minez-qulyqty qoldanbaly taldaityn (AVA) qazaq tilindegi eń alǵashqy oqý quraly. AVA terapiiasy – álemdegi tiimdiligi ǵylymi turǵydan dáleldengen damý erekshelikteri bar balalardy oqytatý oqytý ádisteriniń biri.
Kitapty “Bolashaq” korporativtik qory “Shevron” kompaniiasymen seriktestikte aýdaryp shyǵardy.
Bul kitap – «Osobye deti. Vvedenie v prikladnoi analiz povedeniia (AVA)» atty kitaptyń qazaq tiline aýdarmasy, ol jerde minez-qulyqtyń qoldanbaly taldaýynyń negizgi qaǵidalary, problemalyq minez-qulyqty túzetý ádisteri jáne damý erekshelikteri bar balalarǵa minez-qulyqty úiretý strategiialary sipattalǵan.
K
itap damý erekshelikteri bar balalardy tárbieleitin jáne oqytatyn pedagogtarǵa, defektologtarǵa, logopedterge jáne ata-analarǵa arnalǵan.
Kitapty aýdarý jáne shyǵarý “Bolashaq” qorynyń “Ár bala mektepke barýǵa turarlyq” jobasy aiasynda iske asyrylady. Joba 2015 jyldan beri jumys istep keledi jáne aýtizmi jáne basqa da damý erekshelikteri bar balalarǵa mektepte jáne balabaqshada bilim berýdiń inkliýzivti modelin damytýǵa jáne engizýge baǵyttalǵan.
“Osyndai kitaptardy aýdara otyryp biz qazaq tildi mamandarǵa dúniejúzilik ǵylymi qaýymdastyq tanyǵan ozyq ádisterdi, iaǵni túzetý pedagogikany usynamyz. Bul degenimiz biz Qazaqstandaǵy erekshe balalarmen jumys tiimdiligin arttyrý úshin kóbirek jaǵdai týǵyzamyz.
Kitappen jumys barysynda keibir minez-qulyqty qoldanbaly taldaý boiynsha arnaiy terminder aǵylshyn jáne orys tilderinen alǵash ret qazaq tiline aýdaryldy.
Árine kitapty aýdarýǵa bizdiń qymbatty demeýshimiz “Shevron” kompaniiasynyń kómegi zor boldy. Osyndai mańyzdy isti qoldaǵany úshin olarǵa shyn júrekten alǵys aitamyz.
Búgin biz qazaq tilindegi inkliýziia salasyndaǵy sapaly ádebiettiń shyǵarylýynyń negizin qalaimyz. Qor osy baǵytta jumysyn jalǵastyrady.
Qazirgi tańda biz “ABLLS-R” damý erekshelikteri bar balalardyń daǵdylaryn baǵalaý quralyn aǵylshyn tilinen qazaq tiline aýdarýdy qolǵa aldyq” – dedi "Bolashaq” qorynyń Qamqorshylyq keńesiniń tóraiymy Dinara Gaplan.
Sharaǵa “Shevron” kompaniiasynyń jurtshylyqpen bailanys jónindegi úilestirýshisi Qoshpanova Janar, Ulttyq arnaiy jáne inkliýzivtik bilim berýdi damytý ǵylymi-praktikalyq ortalyqtyń direktory Kýderinova Áigerim, sonymen qatar mamandar jáne aimaqtardan kelgen aýtizmi bar balalardyń ata-analary qatysty.
Kitap avtorlary Iýliia Erts jáne Iýliia Meleshkevich qatysýshylarǵa beine-bailanys arqyly shyǵyp, kitaptyń paidasy jáne onyń qazaq tiline aýdarý mańyzdylyǵy týraly sóz qozǵady.
Kitapty tanystyrý aiasynda “Bolashaq” qorynyń mamandary Qazaqstannyń túrli aimaqtarynan kelgen mamandarǵa jáne erekshe balalardyń ata-analaryna minez-qulyqty qoldanbaly taldaý boiynsha birneshe seminar ótkizdi.
“Qazaqstanda, ádil, qoljetimdi jáne sapaly bilim berýdi qamtamasyz etetin jalpy álemdik qaǵidalardy jáne inkliýzivtik qundylyqtardy qoldaýǵa umtylatyn elde erekshe qajettilikteri jáne densaýlyǵy shekteýli balalardyń sany artyp keledi.
Sondyqtan “Shevron” kompaniiasy inkliýziiany damytý qyzmetimen tanymal “Bolashaq” qorymen seriktestikte minez-qulyqty qoldanbaly taldaý boiynsha quraldy qazaq tiline aýdarýǵa qoldaý kórsetýdi sheshti.
Bul ádistemelik qural inkliýzivtik bilim berý qaǵidalaryn damytýǵa jáne damý erekshelikteri bar balalarǵa teń múmkindikter beretin qoǵam qurýǵa eleýli úles qosady, dep senemiz”, – deidi “Shevron” kompaniiasynyń Qazaqstandaǵy jurtshylyqpen bailanys jónindegi úilestirýshisi Qoshpanova Janar.
