Elimizde salaýatty ómir salty ortalyǵynyń 1998 jyldan bastap, ár úsh jyl saıyn júrgizgen zertteýlerine súıensek, adamdardyń basym bóligi kúnine eki ret ystyq tamaq tutynbaıdy. Al, 12 paıyzy úsh ret as ishetinin aıtsa, 9 paıyzy bar bolǵany bir táýlikte bir ret qana qorektenedi. Turǵyndardyń jartysyna jýyǵy kúndelikti asynyń 400 gramy jemis-jıdek bolýy tıis ekenin bilmeıdi de. Saýalnamaǵa qatysqandardyń kóbisi tıisti mólsherde et ónimderin paıdalanbaıdy eken.
Dárigerlerge sensek, qazaqstandyqtar jeıtin asyna jıi zeıinsiz qaraıdy. Al, aýyrǵan kezde kúndelikti jarnama betterinen túspeıtin eń jańa preparattardy izdeıdi.
– Balalar arasynda fastfýd ónimderin tutyný beleń alyp barady. Zertteýlerge súıensek, jasóspirimderdiń 13,7 paıyzy kúnine bir ret fastfýdty azyq etedi. Sonymen qatar, uıqyǵa jatarda tamaqtaný, dene belsendiligiń azdyǵy, qımyldyń joqtyǵy júrek qan tamyrlary aýrýlaryna, semizdikke taǵy basqa da kóptegen aýrýlardyń asqynýlaryna ákelip soǵýda. Al, tıimdi tamaqtaný keıbir sozylmaly aýrýlary bar adamdardyń densaýlyǵyn jaqsartýǵa negiz bolady», – deıdi Aıgúl Jaqypqyzy.
Qazaq taǵamtaný akademıasynyń 2012 jyly júrgizgen zertteýiniń nátıjesine súıensek, Qazaqstan halqynyń jartysynan astamy artyq salmaqqa jáne semizdikke shaldyqqan. 1 jáne 14 jas aralyǵyndaǵy árbir besinshi bala artyq salmaqtan zardap shegedi. Bul – turǵyndardyń 21,5 paıyzy. Bulardyń jartysy semizdikke shaldyqqan, – deıdi Ardaq Baıbaraqqyzy.
Spıkerlerdiń aıtýynsha, saýmalda adam densaýlyǵyn jaqsartýǵa qajetti barlyq zattar bar. Ásirese A jáne S dárýmenderi kóp. Sonymen qatar V1, V2, V12, RR, D, E dárimenderi men folı qyshqyly, bıotın jáne basqa da aǵzaǵa qajettilikter jetkilikti. Bir lıtr saýmalda 85-ten 140 gramǵa deıin qyshqyl, 70 gramǵa deıin karotın kezdesedi. Salystyrmaly túrde alǵanda, sıyr sútinen birneshe ese paıdaly. Dárýmenderden bólek saýmal antıbakterıalyq fermentterge baı. Mıkroelementter (kalsıı, magnıı, fosfor, marganes, mys, kobált, t.b.) zat almasýlar júıesine kómektesedi, súıek pen bulshyqetter qańqalarynyń qalyptasýyna oń áser etedi. Al, qymyz adam ımýnıtetin joǵarylady. Aǵzanyń qorǵanysh qabyletin arttyrady. Kymyz jetispeıtin asqazan qyshqylyn da almastyra alady. Qymyz qyshqyly qanǵa oń áser etedi. Gemoglobın quramyn kúsheıtedi. Obyr dertin tejeýge qaýqarly qymyzdy júrektiń sozylmaly ıshemıalyq aýrýyna shaldyqqan naýqastarǵa da usynýǵa bolady.
OQO ákiminiń baspasóz qyzmeti
