QR Ónerkásip jáne qurylys ministrligi quramynda qatty paidaly qazbalardyń (altyn, kúmis, qorǵasyn, myrysh jánet.b.) ónerkásiptik sanattarynyń qorlary bar 26 ken orny boiynsha elektrondyq aýktsion ótkiziletinin habarlaidy. Ol 2025 jylǵy 29 qańtarda e-qazyna.kz portalynda ótkiziledi, dep habarlaidy Dalanews.kz.
Aýktsionǵa qatysý úshin 2024 jylǵy 15 qarashadan 2025 jylǵy 15 qańtar aralyǵynda "minerals.e-qazyna.kz" JQPBP arqyly ótinish joldaý kerek bolady.
Aýktsiondy ótkizý týraly habarlamada jer qoinaýyn paidalanýshynyń qosymsha mindettemeleri de kórsetilgen:
- óńirdiń áleýmettik-ekonomikalyq damýyna jarnalar somasyn belgileý jyldyq jiyntyq tabystyń keminde 1 (bir) paiyzy, ulǵaiý jaǵyna qarai jyldyq jiyntyq tabys túzetilgen jaǵdaida, jer qoinaýyn paidalanýshy jyldyq jiyntyq tabys túzetilgennen keiin 2 (eki) ai ishinde ulǵaiǵan jyldyq jiyntyq tabysqa sáikes jarna somasyna qosymsha aqy tóleýdi júrgizedi. Jyldyq jiyntyq tabysty azaitýǵa túzetken jaǵdaida tólengen jarna somasy túzetilmeidi.
- ken orny eldi mekenniń býferlik aimaqtarynda ornalasqan jaǵdaida qatty paidaly qazbalardy jerasty tásilimen óndirý boiynsha jumystar júrgizý;
- Masalskoe, Dalabai, Mynaral, Koptas Soltústik, Ońtústik Priishim alańynyń Áýliesi, Sýgatovskoe, Batys Qamys, Soltústik Akpan, Taldykól (Shyǵys ýchaskesi), 1-shi Dýbovskaia shahtasynyń dalalyq ýchaskesi, Esymjal (Daýletbai) ken oryndary boiynsha aldyńǵy jer qoinaýyn paidalanýshynyń jer qoinaýyn paidalaný saldaryn joiý;
- 1-shi Dýbovskaia shahtasynyń dalalyq ýchaskesi jáne Taldykól (Shyǵys ýchaskesi) ken oryndary boiynsha 5 jyl ishinde ken ornynda tereń óńdeý jáne baiytý protsesterin engizý esebinen kómirden joǵary qaita bólý (kómir himiiasy) ónimin alý;
- Masalskoe, Býrabai-Jalgyzagash jáne Karatas 1 Qazaqstan Respýblikasy Indýstriia jáne infraqurylymdyq damý ministriniń m. a. 2022 jylǵy 30 mamyrdaǵy №306 buiryǵymen bekitilgen Basym taýarlar tizbesine sáikes ortasha deńgeiden tómen emes) nemese ken oryndary boiynsha 5 jyl ishinde QR aýmaǵynda zaýyt salý.
