Investitsiialyq jobany Densaýlyq saqtaý ministrligi arqyly memlekettik - jekemenshik áriptestik aiasynda YDA Group túrik investory júzege asyrýda. Nysannyń quny 200 mlrd.teńgeden asady. 2019 jyly bastalǵan qurylysty 2022 jylǵa qarai aiaqtaý josparlanýda. Óńirdegi ǵana emes, respýblikadaǵy eń iri meditsinalyq mekemelerdiń biri bolatyn aýrýhananyń jalpy aýdany 80 myń sharshy metrden asady. Álemdik standarttarǵa sai salynyp jatqan aýrýhana tolyq paidalanýǵa berilgennen keiin 2000-nan astam meditsina qyzmetkeri turaqty jumyspen qamtylady.
Jobaǵa sáikes, munda 13 beiindi bólimshe, sondai-aq júrek-qantamyr jáne koronarlyq reanimatsiia, gematologiia, onyń ishinde kúiikpen emdeýdiń 2 qarqyndy terapiiasy (ICU) tósegi jumys isteitin bolady. Budan basqa, kópsalaly aýrýhana qabyrǵalarynda 16 operatsiialyq bólme, onyń ishinde 13 josparly jáne 3 shuǵyl kómek jumys isteitin bolady. Keshende barlyǵy 11 blok bar, olardyń 9-ynda monolitti jumystar júrgizilýde.
Qurylysqa 100-den astam qurylysshy tartylǵan, 4 munara krany, 12 tehnika jumys isteidi.
