Elimiz boiynsha mal azyǵyn daiyndaýdy retteitin jedel shtab quryldy
Biyl aýa raiynyń qolaisyzdyǵyna bailanysty Atyraý, Qyzylorda, Mańǵystaý, Túrkistan jáne ishinara Almaty oblystarynda maldy azyqpen qamtamasyz etý jaǵdaiy qiyndady.
Qurǵaqshylyq saldarynan mal ólimi Mańǵystaý oblysynda jáne Qyzylorda oblysynyń Aral aýdanynda tirkelgeni belgili.
Mańǵystaý oblysy boiynsha – 1 147 aýyl sharýashylyǵy janýary nemese oblystyń jalpy mal basynyń 0,13%, Qyzylorda oblysy boiynsha – 492 nemese oblystyń aýyl sharýashylyǵy janýarynyń jalpy mal basynyń 0,03% óldi.
QR Aýyl sharýashylyǵy ministrligi janynan jem-shóp daiyndaý máseleleri boiynsha jergilikti atqarýshy organdardyń is-qimylyn úilestirý úshin respýblikalyq jedel shtab quryldy. Shtab otyrysy únemi ótkizilip turady. Oblys ákimdikteriniń janynanda azyq daiyndaý máselelerin turaqty túrde monitoringileý jáne jedel sheshý úshin jedel shtabtar quryldy.
Barlyq oblysta aldaǵy qysqa arnalǵan aýyl sharýashylyǵy malyna jem daiyndaý jospary anyqtaldy. Qurǵaqshylyqtan zardap shekken óńirlerdiń fermerleri úshin mal jaiýǵa jaiylymdardy berý jáne shóp shabýdy uiymdastyrý boiynsha óńiraralyq ózara is-qimyl uiymdastyrylýda.
Shóp shabý úshin paidalanylmaityn jáne jaiylmaly shalǵyndardy bólý boiynsha jumystar júrgizilýde. Halyqqa orman sharýashylyǵy aýmaqtarynda jáne tabiǵi rezervattarda shóp daiyndaý múmkindigi beriledi.
Aýyl turǵyndaryna egin jinaý jumysynan keiin alqaptardan saban jinaý múmkindigi beriledi. Oblys ákimdikteriniń jedel derekterine sáikes, 7 shildedegi jaǵdai boiynsha óńirlerde 6,5 mln tonna shóp daiyndalǵan. Mańǵystaý oblysyna 13 myń túp jáne 92 oram shóp ákelindi, apta saiyn 5 vagon kebek jetkizilýde.
Kórshiles oblystar aýmaǵynda shóp shabý uiymdastyryldy. Basqa óńirlerge ýaqytsha 6 470 bas mal tasymaldandy. Azyq-túlik kelisimshart korporatsiiasy 637 tonna arzandatylǵan arpa jetkizdi.
Azyq daiyndaý úshin QR Úkimetiniń rezervinen 1,9 mlrd teńge bólinedi. Aral aýdanyna 1 myń tonnadan astam shóp jáne 40 tonna qunarly jem jetkizildi. Azyq-túlik kelisimshart korporatsiiasy 600 tonna arpa jetkizedi. 12 shabyndyq brigada qurylyp, jem-shóp tasýǵa 127 avtomashina jumyldyryldy.
Kórshiles Aqtóbe oblysynan iri jemshóp jetkizildi. Mal azyǵyn daiyndaý jáne qamtamasyz etý máseleleri aýyl sharýashylyǵy ministrligi men oblys ákimdikteriniń turaqty baqylaýynda.
