Sońǵy aptada elimizdiń birneshe óńirinde oryn alǵan sý tasqyny halyqty ábigerge salyp qoidy. «Atameken» UKP sý tasqynynan zardap shekken kásipkerlerge kómek kórsetýde. Ulttyq kásipkerler palatasy sý tasqynynan zardap shekken kásipkerlermen tyǵyz bailanys ornatty. Búginde olarǵa qajetti kómekter uiymdastyrylyp, óńirlerdegi kásipkerler palatalary belgilengen algoritm boiynsha kúsheitilgen rejimde jumys isteýde.
Qazirgi tańda kásipkerlik sýbektilerine keltirilgen shyǵyn kólemi 1,4 mlrd. teńgeni qurap otyr. Fermerlerdiń Agrarly nesie korporatsiiasy jáne «Damý» kásipkerlikti damytý qorynyń aldyndaǵy qaryzdaryn óteý merzimin uzartý boiynsha «Atameken» UKP «Báiterek» UBH-men kelissózder júrgizýde.
Jasyratyny joq, elimizdegi biznes aktivteri tómen saqtandyrylǵan. Buǵan deiin «Atameken» UKP jeke saqtandyrý kompaniialarymen birlese bul júieli problemany birneshe ret kótergen bolatyn. Saqtandyrý polisimen biznes te, memleket te utady. Dál búgingi jaǵdaida óz biznesterin saqtandyrǵan kásipkerler máselelerin áldeqaida jeńil ári ońtaily sheshedi.
«Atameken» UKP kásipkerlerge konsýltativtik kómekten bólek qarjylai kómek te uiymdastyrýda. Dálirek aitsaq, búginde «Kúshimiz birlikte» qory arqyly qarajat jinalyp, tabiǵi apattyń saldarynan qiyn jaǵdaiǵa tap bolǵan kásipkerlerge qarjylai kómek berý qarastyrylyp jatyr. Aita keterlik jait, «Kúshimiz birlikte» qory osydan eki jyl buryn shaǵyn jáne orta biznesti qoldaý maqsatynda «Atameken» UKP bastamasymen qurylǵan bolatyn.
Sonymen qatar «Atameken» UKP-nyń 1432 jedel-bailanys ortalyǵyna túsken ótinishterdiń barlyǵy nazardan tys qalmaidy. Búginge deiin «Atameken» UKP-na 108 kásipker shaǵymdanǵan. Olardyń 71-i Aqtóbe oblysynan, 11-i Batys Qazaqstan oblysynan, 26-sy Qostanai oblysynan aryz túsirgen.
Qazirgi tańda halyqqa áleýmettik-ekonomikalyq jáne gýmanitarlyq kómek kórsetýdiń mańyzy zor. Taý-ken metallýrgiia kesheniniń kásiporyndary zardap shekken aimaqtardy tez arada qalpyna keltirý úshin 800 mln teńge qarjy bóldi. Sondai-aq, sý tasqyny kezinde biznesine ziian kelgen kásipkerlerge «Atameken» UKP qyzmetkerleri bir kúndik jalaqysyn aýdarý týraly sheshim qabyldady.
Memleket basshysy Qasym-Jomart Toqaev «bárimiz bir el, bir ujym bolyp osy apatty eńserýimiz kerek» degen bolatyn. Bir jeńnen qol, bir jaǵadan bas shyǵarsaq bul jaǵdaidan da ótemiz. Qiyn sátte óz azamattarymyzǵa qol ushyn berip, kómektesemin degen jomart jandarǵa «Kúshimiz birlikte» qorynyń rekvizitterin joldaimyz.
BSN 220140002583;
«Bank TsentrKredit» AQ eseptik shot: KZ268562203115072353;
«Bank TsentrKredit» rekvizitteri:
BSK/BIK (SWIFT) KCJBKZKX
BSN/BIN 980741000260 KNP 119
