Qazaqstanda elektrosamokat ieleri tirkeý nómirin alýǵa mindetteldi. Bul talap tek jalǵa beriletin elektrosamokattarǵa qatysty, dep habarlaidy Dalanews.kz.
Buǵan deiin memleket basshysy elektrosamokattardy jalǵa berýmen ainalysatyn zańdy tulǵalar men jeke kásipkerlerge birqatar mindet júkteitin zańǵa qol qoiǵan bolatyn. Atalǵan qujatqa sáikes:
-
paidalanýshylardy mindetti túrde sáikestendirý jáne qoldanystaǵy júrgizýshi kýáliginiń bar-joǵyn tekserý;
-
18 jasqa tolmaǵan jáne júrgizýshi kýáliginen aiyrylǵan tulǵalarǵa elektrosamokatty jalǵa berýge ári basqarýǵa tyiym salý;
-
jol qozǵalysy aimaǵyna bailanysty samokattyń eń joǵary jyldamdyǵyn avtomatty túrde shekteý;
-
jaiaý júrginshiler men kólik qozǵalysyna kedergi keltiretin oryndarda samokatty qaldyrýdyń aldyn alý;
-
árbir elektrosamokatqa biregei tirkeý nómirin berý jáne olardyń ornalasqan jeri týraly derekterdi tiisti memlekettik organdarǵa joldaý talaptary engizildi.
Elektrosamokattyń jol qozǵalysyna qatysýyna saqtandyrý polisi men tirkeý nómiri bolǵan jaǵdaida ǵana ruqsat etiledi.
