Saýalnamaǵa qatysqandardyń 70%-dan astamy eldiń durys baǵytta damyp kele jatqanyn aitadym, – dep habarlaidy Dalanews.kz.
Qoǵamdyq saiasat institýtynyń zertteý nátijelerine sáikes, respondentterdiń 70%-dan astamy Qazaqstannyń durys baǵytta damyp kele jatqanyn atap ótken. Mundai pikir ásirese aýyl turǵyndary (80,7%), 24 jasqa deiingi jastar (78,9%) jáne áielder (72,2%) arasynda keń taralǵan.
Halyqtyń qazirgi saiasi jáne áleýmettik-ekonomikalyq jaǵdaiǵa bergen baǵasy salystyrmaly túrde birshama ustamdy optimizmdi kórsetedi – sáikesinshe 76,5% jáne 67%.
Bul nátijeler elde júrgizilip jatqan reformalarǵa degen oń kózqaraspen bailanysty. Máselen, qoǵamdyq-saiasi salada azamattarǵa aýyl jáne aýdan ákimderin tikelei sailaý múmkindigi berildi, sailaý júiesi ashyq bola tústi, Konstitýtsiialyq sot qaita qalpyna keltirildi, al genderlik teńdik bastamalary áielderge saiasat pen qoǵamdyq ómirge belsendi qatysý úshin jańa múmkindikter ashty.
Áleýmettik-ekonomikalyq saladaǵy ózgerister biýdjet salasy qyzmetkerleriniń tabysyn aitarlyqtai arttyrýǵa, aýqymdy qoldaý baǵdarlamalaryn iske qosýǵa, jer resýrstaryna ádil qoljetimdilikti qamtamasyz etýge, sondai-aq qaýipti jáne ziiandy óndiristerde jumys isteitinder úshin zeinet jasyn tómendetýge múmkindik berdi.
Jalpy, saýalnama nátijeleri boiynsha respondentterdiń 89%-y óz kóńil-kúiin oń dep sipattaǵan. Pozitivti kózqaras kóbinese 18-35 jas aralyǵyndaǵy jastarǵa, boidaq nemese otbasyly azamattarǵa jáne joǵary bilimi bar respondentterge tán.
