Kásipker Aıdyn Rahymbaevtyń kenje uly áskerge attanyp, ant qabyldady, dep habarlaıdy Dalanews.kz.

Jas sarbaz fızıkalyq turǵydan jaqsy daıyndyqta bolǵandyqtan desant-shtýrm brıgadasyna qabyldanǵan. Rahymbaevtyń aıtýynsha, uly jarty jyl buryn King’s College London ýnıversıtetine IT mamandyǵy boıynsha oqýǵa túsken.

“Keleshekte oqýyn mindetti túrde jalǵastyrady, biraq ázirshe naǵyz azamat retinde Otan aldyndaǵy boryshyn ótep jatyr. Endi elimizdiń de, otbasymyzdyń da qorǵaýshysy bolady. Barlyq sarbazǵa sáttilik tileımin, aman-esen oralsyn!”,- dep jazdy kásipker áleýmettik jelidegi paraqshasynda.