Qazaqstanda kóshi-qon zańnamasyn buzýdyń 10 myńǵa jýyq deregi anyqtaldy. 1240 sheteldik azamat elden shyǵaryldy, - dep habarlaidy Dalanews.kz.
4,5 myń sheteldik azamat elde bolý merzimin buzǵan. 2,5 myńy zańsyz jumys istegen. Onyń ishinde 60 zańsyz taksi júrgizýshisi bar. Buǵan deiin júrgizilgen arnaiy operatsiia kezinde 700-ge jýyq zańsyz taksi júrgizýshisi anyqtalǵan bolatyn.
1240 sheteldik sot sheshimimen elden shyǵarylyp, olarǵa bes jylǵa Qazaqstanǵa kirýge tyiym salyndy.
"Zań buzýshylardyń basym bóligi - jaqyn shet memleketten kelgender. Biraq odan bólek Bangladesh, Egipet, Italiia, Nigeriia jáne Madagaskar azamattary da anyqtaldy. Izdeýde júrgen 20 sheteldik ustaldy", - dedi IIM kóshi-qon qyzmeti komitetiniń tóraǵasy Aslan Atalyqov.
2200 qabyldaýshy tulǵa sheteldikterdiń kelýi týraly politsiiaǵa habarlamaǵany úshin ákimshilik jaýapkershilikke tartyldy. Olarǵa 12 mln teńge aiyppul salyndy.
500 qazaqstandyq jumys berýshige sheteldikterdi zańsyz jumysqa tartqany úshin 33 mln teńge aiyppul salyndy. Olardyń ishinde bes tulǵa osyndai áreketti buryn da jasaǵan. Qazir bul azamattar qylmystyq jaýapkershilikke tartylyp jatyr.
Sheteldikterge jalǵan qujattar rásimdegen Qazaqstan azamattaryna qatysty 12 qylmystyq is qozǵaldy.
"Astana qalasynda bir ýniversitet jataqhanasynda komendant 56 eńbek migrantyna stýdent retinde ýaqytsha turýǵa ruqsat bergen. Almaty oblysynda notariýstyń kómekshisi sheteldikterdi "joq" mekenjailarǵa tirkeý úshin jalǵan senimhattar rásimdegen. Barlyq derek boiynsha sotaldy tergeý júrgizilip jatyr" - dedi Aslan Atalyqov.
