Sý resýrstary jáne irrigatsiia ministrligi úsh oblystaǵy sý qoimalarynda shaǵyn SES salý jobalaryn ázirlep jatyr, dep habarlaidy Dalanews.kz.
"Qazsýshar" mekemesi Qaraǵandy oblysyndaǵy Samarqand sý qoimasynda, Aqtóbe oblysyndaǵy Qarǵaly sý qoimasynda, Abai oblysyndaǵy Qarakól sý qoimasynda shaǵyn sý elektr stantsiialaryn salý boiynsha jobalaý-smetalyq qujat ázirlep jatyr.
Qazir úsh joba da memlekettik saraptamadan ótkizilip jatyr. Sondai-aq, taǵy bes nysan boiynsha jobalaý-smetalyq qujat ázirleý josparlanyp otyr.
"Jol kartasyn iske asyrý nátijesinde "Qazsýshar" RMK-nyń gidrotehnikalyq nysandarynda jyl saiyn óndiriletin elektr energiiasynyń jalpy kólemi 30 MVt-qa jetedi. Qazir kásiporyn teńgeriminde úsh shaǵyn SES bar. Olar Soltústik Qazaqstan oblysyndaǵy Sergeev gidrotorabynda, Qaraǵandy oblysyndaǵy Yntymaq sý qoimasynda jáne Qorǵas ózenindegi Dostyq gidrotorabynda ornalasqan", - dedi Sý resýrstary jáne irrigatsiia vitse-ministri Erbolat Ibraihanov.
