«Ekibastuz MAES-2 stansasy» aktsionerlik qoǵamy otyn berý mashinisi Galina Mihnova el Prezidenti Nursultan Ábishuly Nazarbaevqa hat jazdy, oǵan Elbasy ózi jaýap berdi.
Hatta Galina Vasilevna ózi týraly aityp, Memleket basshysyn Qazaqstan Respýblika prezidentiniń kezekten tys jalpyhalyqtyq sailaýdaǵy jeńisimen ári kele jatqan týǵan kúnimen quttyqtady.
«Men Qazaqstanda týyp-óskenime jáne turyp jatqanyma baqyttymyn. Ekibastuz MAES-2-de otyn berý mashinisi bolyp 20 jyldan asa eńbek etemin. Sizdiń birneshe jyl qatarynan bizdiń Prezidentimiz bolǵanyńyzdy maqtan etemin. Sizdiń kóregei jetekshiligińizdiń arqasynda biz beibitshilik pen kelisimde ómir súrip jatyrmyz», - dep G. Mihnova jazǵan jáne Ult kóshbasshysyna óleń joldaryn arnaǵan.
Byt nashim Prezidentom Vam svyshe sýjdeno.
I stolko let byt Liderom ne kajdomý dano.
Ispytyvaet gordost za Kazahstan narod,
Drýjnee i bogache stal kazahstanskii rod!
Nursultan Nazarbaevtyń jaýap hatyn G. Mihnovaǵa Pavlodar oblysy ákimi apparatyqujattamalyq qamtamasyz etý jáne baqylaý bóliminiń basshysy Janat Hammetov tabys etti.
«Qurmetti Galina Vasilevna! Hatyńyz, meniń qyzmetime arnalǵan izgi tilegińiz ben óleńińizge rahmet. Ekibastuz qalasynyń jáne Siz jumys istep jatqan stansanyń qurylýy meniń qatysýymen ótken. Bul óndiristik alyptar – Qazaqstannyń maqtanyshy. Sizben birge jumys isteitinderdiń bárine sálem aityńyz. Meniń eń igi tilekterimdi qabyl alyńyz», - dep Elbasy jaýap qaitarǵan.
Ekibastuz qalasy ákiminiń baspasóz-hatshysy
Jazira Syzdyqova
