«Elbasy medali» qoǵamnyń túrli salasyndaǵy 14 pen 29 jas aralyǵyndaǵy jastarǵa arnalǵan baiqaý. Marapattaý jas ereksheligine qarai úsh deńgeide: qola 14, kúmis 15, al, altyn 16 jastan bastap belgilengen. Alty ai kóleminde ózin – ózi damytýmen ainalysqan jastar arasynda básekege túsken L.N.Gýmilev atyndaǵy Eýraziia Ulttyq ýniversitetiniń «Sáýlet jáne qurlys» fakýltetiniń 3 kýrs stýdenti Sh.Ahataev, Abai atyndaǵy orta mektebiniń 11 synyp oqýshysy A.Orazbekova, S.Imanasova atyndaǵy orta mektebiniń 11 synyp oqýshylary Ǵ.Talǵatqyzy men A.Erǵaliqyzy jáne Taldyqorǵan qalasy «Bilim – innovatsiia» litsei internatynyń 10 synyp oqýshysy T.Talǵatuly «Elbasy medali» jobasynyń jeńimpazdary atandy.
Jeńimpazdar «Sport jáne dene shynyqtyrý», «Daryn men daǵdy», «Eriktilik», «Týristik saiahattar», «Kitap oqý», «Ulttyq mura» jáne «Eńbek tájiribesi» nominatsiiasy boiynsha marapattaldy.
«Aýdanymyzdyń abyroiyn asqaqtatyp, biliktilikterińiz ben bilimderińizdiń ozyq deńgeiin kórsetip, belsendilik tanytqandaryńyzǵa alǵys aitamyn. Biz Sizdermen maqtanamyz! Bul júlde tolaǵai tabystaryńyzdyń aldy bolsyn. Táýelsizdigimizdiń tuǵyry biik, halqymyzdyń eńsesi joǵary, egemendigimiz baiandy bolsyn»-dedi aýdan ákiminiń orynbasary M.Tóleýjanov.
Aita keterligi, 2019 jyly QR Tuńǵysh Prezidenti – Elbasy belsendi jáne talantty jastardy qoldaý boiynsha «El úmiti» jallpyulttyq bastamasyn usynǵan. Bul bastama aiasynda QR Tuńǵysh Prezidenti – Elbasy qory daryndy balalardy anyqtaityn «Qabilet», «Elbasy medali» syndy birneshe biregei jobany qolǵa aldy. Búginde «Elbasy medali» baǵdarlamasyna qatysý tártibi Úkimet qaýlysymen bekitilip, Tuńǵysh Prezident qorynyń qoldaýymen ótip otyr. Onyń basty maqsaty – óskeleń urpaqty qoldaý jáne yntalandyrý bolyp tabylady.
Qasiet ARSTAN,
Alakól aýdany ákiminiń
baspasóz-hatshysy
