«ەلباسى مەدالى» قوعامنىڭ ءتۇرلى سالاسىنداعى 14 پەن 29 جاس ارالىعىنداعى جاستارعا ارنالعان بايقاۋ. ماراپاتتاۋ جاس ەرەكشەلىگىنە قاراي ءۇش دەڭگەيدە: قولا 14، كۇمىس 15، ال، التىن 16 جاستان باستاپ بەلگىلەنگەن. التى اي كولەمىندە ءوزىن – ءوزى دامىتۋمەن اينالىسقان جاستار اراسىندا باسەكەگە تۇسكەن ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ «ساۋلەت جانە قۇرلىس» فاكۋلتەتىنىڭ 3 كۋرس ستۋدەنتى ش.احاتايەۆ، اباي اتىنداعى ورتا مەكتەبىنىڭ 11 سىنىپ وقۋشىسى ا.ورازبەكوۆا، س.يماناسوۆا اتىنداعى ورتا مەكتەبىنىڭ 11 سىنىپ وقۋشىلارى ع.تالعات قىزى مەن ا.ەرعالي قىزى جانە تالدىقورعان قالاسى «ءبىلىم – يننوۆاسيا» ليسەي ينتەرناتىنىڭ 10 سىنىپ وقۋشىسى ت.تالعات ۇلى «ەلباسى مەدالى» جوباسىنىڭ جەڭىمپازدارى اتاندى.
جەڭىمپازدار «سپورت جانە دەنە شىنىقتىرۋ»، «دارىن مەن داعدى»، «ەرىكتىلىك»، «تۋريستىك ساياحاتتار»، «كىتاپ وقۋ»، «ۇلتتىق مۇرا» جانە «ەڭبەك تاجىريبەسى» نوميناسياسى بويىنشا ماراپاتتالدى.
«اۋدانىمىزدىڭ ابىرويىن اسقاقتاتىپ، بىلىكتىلىكتەرىڭىز بەن بىلىمدەرىڭىزدىڭ وزىق دەڭگەيىن كورسەتىپ، بەلسەندىلىك تانىتقاندارىڭىزعا العىس ايتامىن. ءبىز سىزدەرمەن ماقتانامىز! بۇل جۇلدە تولاعاي تابىستارىڭىزدىڭ الدى بولسىن. تاۋەلسىزدىگىمىزدىڭ تۇعىرى بيىك، حالقىمىزدىڭ ەڭسەسى جوعارى، ەگەمەندىگىمىز باياندى بولسىن»-دەدى اۋدان اكىمىنىڭ ورىنباسارى م.تولەۋجانوۆ.
ايتا كەتەرلىگى، 2019 جىلى ق ر تۇڭعىش پرەزيدەنتى – ەلباسى بەلسەندى جانە تالانتتى جاستاردى قولداۋ بويىنشا «ەل ءۇمىتى» جاللپىۇلتتىق باستاماسىن ۇسىنعان. بۇل باستاما اياسىندا ق ر تۇڭعىش پرەزيدەنتى – ەلباسى قورى دارىندى بالالاردى انىقتايتىن «قابىلەت»، «ەلباسى مەدالى» سىندى بىرنەشە بىرەگەي جوبانى قولعا الدى. بۇگىندە «ەلباسى مەدالى» باعدارلاماسىنا قاتىسۋ ءتارتىبى ۇكىمەت قاۋلىسىمەن بەكىتىلىپ، تۇڭعىش پرەزيدەنت قورىنىڭ قولداۋىمەن ءوتىپ وتىر. ونىڭ باستى ماقساتى – وسكەلەڭ ۇرپاقتى قولداۋ جانە ىنتالاندىرۋ بولىپ تابىلادى.
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
