Elbasy Konstitýtsiiaǵa engizilgen ózgertýlerge jariia qol qoiyp, halyqqa Úndeý joldady
– Qadirli qaýym! Qurmetti qazaqstandyqtar! Biz búgin memleketimiz úshin máni zor tarihi sheshimniń júzege asatyn sátine kýá bolamyz. Men Konstitýtsiiaǵa ózgerister men tolyqtyrýlar engizý týraly zańǵa jariia túrde qol qoiǵaly turmyn. Bul qazirgi basqarý júiesin jańǵyrtýǵa bastaityn mańyzdy qadam. Zań bilik tarmaqtary arasyndaǵy qarym-qatynasty konstitýtsiialyq deńgeide teńgerimdi etýge baǵyttalǵan. Onyń jobasy bir ai boiy qyzý qoǵamdyq talqylaýdan ótkenin bilesizder. Sonyń nátijesinde jurtshylyq tarapynan 6 myńnan astam usynys kelip tústi. Arnaiy qurylǵan jumys toby bul usynystardyń barlyǵyn saraptap qarap, bir tujyrymǵa keldi. Biz kópshiliktiń Ata zańdaǵy 26-bapqa ózgeris engizý jónindegi usynysqa qatysty pikirine erekshe mán berdik. Usynystardyń bári muqiiat qaralǵan soń men túpkilikti jobany Parlament qaraýyna engizdim, – dedi Elbasy.
QR Prezidenti Parlamenttiń birlesken otyrysynda eki ret qaralyp, qabyldanǵan bul zań bilik tarmaqtary arasynda ókilettikterdi qaita bóletindigin, sol arqyly zań shyǵarýshy bilik pen Úkimettiń memlekettik basqarý júiesindegi jańa róli aiqyndalatyndyǵyn basa aitty.
– Biz ókildi organnyń quzyryn keńeitip, Úkimettiń derbestigi men jaýapkershiligin arttyrdyq. Men qoǵamdyq talqylaýǵa belsene atsalysqan el azamattarynyń bárine shynaiy rizashylyǵymdy bildiremin. Sondai-aq, jumys tobyna zor alǵys aitamyn. Jumys tobyna memlekettik qyzmetshiler, Parlament depýtattary, zańgerler, ýniversitetter basshylary qatysty. Parlament depýtattary kóp usynys engizip, naqty jumys istedi. Barlyq sharalar úshin rahmet aitamyn. Zańmen jumys júrgizip, mańyzdy mindet atqarǵan Parlament depýtattaryna da kóp rahmet. Osylaisha, Otanymyzdyń basty qujaty kemeldene tústi. Konstitýtsiiadan keiin qoldanystaǵy zańdarǵa ózgerister engiziledi. Osyǵan orai tiisti jumystar júrgiziledi. Engizilgen zańdy men Konstitýtsiianyń talaby boiynsha Konstitýtsiialyq keńeske jiberip, bul zańnyń Konstitýtsiiaǵa jáne Qazaqstannyń zańdaryna sai ekeni jóninde taǵy da dáleldeme aldym, – dedi Nursultan Nazarbaev.
https://www.youtube.com/watch?v=MzFsu8F7aOA
