Kóshpeli kórme joba aiasynda Shymkent qalasyndaǵy «Kórme» ortalyǵynda «Elbasy kitaphanasynyń aqparattyq resýrstary» atty kásibi sessiia ótti. Shara mádeni murany saqtaý, zertteý jáne nasihattaýdaǵy elektrondyq resýrstar men tehnologiialardy qoldaný máselelerine arnaldy.
Kásibi sessiia «Open Space» –ashyq keńistik tehnologiiasy úlgisinde ótti. Qazirgi tańda atalǵan tehnologiia qarym-qatynasty ornatý men birlesken sheshimder qabyldaýdyń tiimdi ádisi retinde álem boiynsha keńinen qoldanylady. Sessiianyń maqsaty - mádeniet jáne bilim berý salasyndaǵy innovatsiialyq damý men aqparattandyrýda ózekti máselelerdi talqylaý jáne tájiribe almasý. Sondai-aq, mýzei, kitaphana, arhiv, bilim berý jáne ǵylymi mekemelerdiń qyzmetine aqparattyq tehnologiialardyń tigizetin áseri, materialdyq jáne materialdyq emes mádeni murany saqtaý men nasihattaýdaǵy sandyq tehnologiialardyń rólin aiqyndaý.
Sessiia aiasynda sóz alǵan Ońtústik Qazaqstan oblysy ákiminiń orynbasary Ulasbek Sádibekuly aýqymdy jobanyń oblysta ótip jatqandyǵy óńir úshin asa mańyzdy shara ekendigin jetkizdi.
Sessiia jumysy úsh baǵyt boiynsha júrgizildi. Atap aitqanda, mýzei, kitaphana jáne arhiv salalaryna arnaldy. Sessiia aiasynda «Mýzei» avtomattandyrylǵan júiesi, Elbasynyń elektrondyq kitaphanasy tanystyryldy. Elbasynyń jeke arhiviniń aqparattyq-anyqtamalyq resýrstaryn qurastyrý men qoldanýdyń tájiribesi jáne mýzeitanýlyq «Mýzei jinaǵy» jobasynyń jumystary baiandaldy.
Sonymen qatar, sessiiada kitaphanalyq qor jinaǵy boiynsha aqparatqa erkin qol jetkizý, aqparatty mýzeilik, ǵylymi baǵytta qoldaný múmkindikteri talqylandy.
OQO ákiminiń baspasóz qyzmeti
https://dalanews.kz/34031
