Memleket basshysy N.Á.Nazarbaevtyń «Rýhani jańǵyrý» baǵdarlamasyn negizge ala otyryp S.Jienbaev atyndaǵy oblystyq jasóspirimder kitaphanasy kóptegen mádeni is-sharalar ótkizip keledi. Sonyń biri 23 sáýir – Búkilálemdik kitap jáne avtorlyq quqyq qorǵaý kúnine orai, «El bolyp oqiyq!» degen uranmen «Oqityn avtobýs» aktsiiasyn uiymdastyrdy.
Sharanyń maqsaty «Bir el – bir kitap», «Oqityn ólke» aktsiiasyna usynylǵan kitaptardy nasihattaý, kitaphanaǵa oqyrman tartý,tarihi-mádeni jáne rýhani murany saqtaý, ana tiline qurmetpen qaraý boldy.
Sondai-aq «Oqityn ólke» oblystyq aktsiiasy aiasynda ólkemizde jyl boiyna oqýǵa aqyn Ótejan Nurǵalievtyń kitaptary tańdap alynǵan bolatyn. Iaǵni osy kitaptar jyl boiy nasihattalatyn bolady.
Kitaphana qyzmetkerleri «Oqityn avtobýs» aktsiiasy barysynda №15 baǵyttaǵy qalalyq avtobýstardaǵy jolaýshylarǵa, avtobýs aialdamalarynda jastardy kitaphanaǵa kitap oqýǵa shaqyryp, «Bir el – bir kitap», «Oqityn ólke» aktsiialaryna usynylǵan avtorlardyń shyǵarmalary týraly jazylǵan býkletterin taratty, kitaphanany nasihattady.
Qazaqtyń áigili jazýshysy Ǵabit Músirepovtyń «Kitap degenimiz – aldyńǵy urpaqtyń keiingi urpaqqa qaldyrǵan rýhani ósieti. Kitap oqýdan tiylsaq, oi oilaýdan da tiylar edik» degen sózin eskere otyryp kitaphanashylar jolaýshylarǵa ólkelik aqyn N.Qalaýovtyń «Biz oqityn ólkeniń turǵynymyz» atty óleńin oqydy. Avtobýs ishinde aktsiianyń maqsaty jóninde habarlap, kitaptardy nasihattap, halyqty rýhani azyqpen sýsyndaýǵa shaqyrdy.
Altyngúl ERMEKBAEVA, S.Jienbaev atyndaǵy Aqtóbe oblystyq jasóspirimder kitaphanasynyń bólim meńgerýshisi.
Aqtóbe qalasy.
