Úsenovti el uly arqyly tanydy. Almatyda kisi qaǵyp óltirip, júrgizý kýáliginen aıyrylǵan ol kóp ótpeı taǵy da kólik oqıǵasyn týdyrǵan edi. Eshqandaı jaýapkershilikke tartylmaı, Almatyda zańsyz kólik aıdap, alshań basyp júrgen kishi Úsenov týraly el "Astanadaǵy óte bedeldi adamdardyń biriinń balasy" bolǵandyqtan, oǵan sot joq dep shýlaǵan. Ol kezde Qajymuqan Úsenovti eshkim tanymaıtyn. Kóp ótpeı EKSPO boıynsha qamaýǵa alynǵan ol úıqamaqta týra bir jyldaı ýaqyt otyrdy.
Eger ol sotqa ótinish túsirip, ózin túrmeden kepil qarjymen bosatýyn surasa, kóp ótpeı bostandyqqa shyǵýy múmkin. Óıtkeni, ol jaza merziminiń teń jartysyn ótep úlgergen bolyp esepteledi.
EKSPO isin jiti baqylap otyrǵan adamdar munyń bári oıyn, aqshaǵa talas dep túsindirýge beıim. Ermegıaevty sottaý, odan kek alý ıakı EKSPO qarjysyna ıe bolý úshin qoldan jasalǵan shantaj degen pikir kóp.
Talǵat Ermegıaev bolsa ózine taǵylǵan aıypty moıyndamaıtynyn, aqsha jymqyrdy degenge naqty dálelderi joq ekenin aıtyp, "keıbir múddeli toptar" onyń sottalýyna yvqpal jasaý úshin tyrysyp jatqanyn jetkizgen.
Bas aıyptalýshy Ermegıaevtan ózge 11 adamǵa búgin úkim oqyldy. Olardyń aldy aıyppulmen bosasa, birnesheýi birneshe jylǵa sottaldy.
