EKSPO-ny kórip ketý kórsetkishi 1 millionnan asty
«Astana EKSPO-2017» ulttyq kompaniiasynyń basqarýshy direktory Beibit Qarymsaqovtyń aitýynsha, osy ýaqytqa deiin pavilondarǵa adamdardyń kirip shyǵý kórsetkishi 1 mln 57 myńnan asty.
– Bir qonaǵymyz bir kúnniń ishinde 5-6 pavilondy kórip úlgeredi. Bizdiń esebimizge sáikes, osy ýaqytqa deiin kórmege 26 myńnan astam shetel azamaty kelip ketti. Ol barlyq qonaqtardyń 13 paiyzyn qurap otyr, – dedi Qarymsaqov Astanada ótken baspasóz máslixatynda.
Onyń sózine qaraǵanda, kórmege kelgen 10 adam – 6 jasqa deiingi balalar bolsa, múgedekter men ardagerlerdiń sany 2 myńnan asty.
– 14 myń adam ol – oqýshylar, stýdentter men zeinetkerler. Qazirgi dinamikaǵa qarasaq, kórmege keletin adamdardyń sany kún saiyn artyp keledi. Mysaly, alǵashqy kúni 17 myń adam kelse, ótken jumada 34 myńnan astam adam kelip ketti, – dep atap kórsetti kompaniianyń basqarýshy direktory.
Aita keteiik, jospar boiynsha Astanadaǵy EKSPO-2017 kórmesine kelip ketetin adamdardyń sany 2-2,5 mln bolady. Al pavilondardy kórip ketý kórsetkishi 5 mln-ǵa jetýi tiis. Sebebi bir adam, kem degende, eki ret kelip ketedi degen boljam bar.
