Astanada eks-vitse-ministr Timýr Toqtabaevtan tárkilengen Bentley Bentayga V8 avtokóligi jarty baǵasyna satyldy, - dep habarlaidy Dalanews.kz.
2021 jylǵy avtokólik 13 tamyzda 54 million teńgege satyldy. Alaida kóliktiń naryqtaǵy quny 104 million.
Sottyń sheshimimen Toqtabaevtan tárkilengen taǵy bir kólik Mercedes-Bens Maybach S580. Ol 79,8 million teńgege satylǵan.
Memleket ekeýin de buǵan deiin satýǵa tyrysqanymen saýdaǵa eshkim qatyspaǵan bolatyn. Artynsha Maybach basqa memlekettik organǵa ótti. Al Bentley naryqtaǵy qunynan eki ese arzan satyldy.
Eks-vitse-ministr Timýr Toqtabaevtan eki avtokóliginen bólek, kásipteri de tárkilendi. Onyń ishinde:
- «T&T Security» JShS-degi 50 paiyz úlesi;
- «Globýs-S» JShS-degi 25 paiyz úlesi
- «Kazahstan Finservis» JShS-degi 25 paiyz úlesi
- «Blackstone Minerals» JShS-degi 75 paiyz úlesi
- «Meld» JShS-degi 75 paiyz úlesi
- «Zapolat Gold» JShS-degi 45 paiyz úlesi
- «Iron Copper» JShS-degi 40 paiyz úlesi
- «Bradwarden» JShS-degi 75 paiyz úlesi
- «GRK Aral-Tobe» JShS-degi 75 paiyz úlesi
- «ASF Capital Ltd» JShS-degi 25 paiyz úlesi
- «Genesis project» JShS-degi 75 paiyz úlesi
- «Stellar Mining» JShS-degi 38 paiyz úlesi
- «Quantum minerals» JShS-degi 25 paiyz úlesi tartyp alyndy.
Eske salaiyq, buǵan deiin eks-vitse-ministr Toqtabaevtyń qymbat kólikterin satý boiynsha saýda ótpei qalǵanyn jazǵan edik.
Jalpy quny 200 million teńge bolatyn avtokólikter memlekettik zańdy tulǵalardyń balansyndaǵy múlikti keiinnen berý jáne biriktirý úshin aýktsionǵa qoiylady. Kólikterdi tek bir qatysýshyǵa satýǵa ruqsat berý kózdelgen.
"Usynys memlekettiń qaýipsizdigin qamtamasyz etý, zańdylyqty, quqyqtyq tártipti saqtaý, múlikti tárkileý bóliginde qylmystyq is boiynsha sot úkimi negizinde tyiym salynǵan múlikti ótkizý nemese paidalaný qaǵidalarynda belgilengen ólshemderge sáikes bolǵan kezde qylmystyq quqyq buzýshylyqtardyń aldyn alý jáne jolyn kesý maqsatynda quqyq qorǵaý jáne arnaýly memlekettik organdar bolyp tabylatyn memlekettik zańdy tulǵalarǵa berýge arnalǵan", - delingen habarlamada.
Habarlandyrý "Elektron saýda alańynda" jariialanǵan. Sonymen qatar, saitta avtokólikterdiń sýretteri de bar.
Saýdaǵa 2021 jylǵy qara Bentley Bentayga V8 qoiyldy. Avtokólikti baǵalaý osy jyldyń sáýir aiynda júrgizildi. Baǵalaýshy kompaniia krossoverdiń naryqtyq qunyn 104 million 316 myń teńge dep belgilegen.
Aq Mercedes Benz Maybach s580 4MATIC 2021 jyly shyǵarylǵan avtokólik sál tómen somaǵa baǵalandy. Onyń naryqtyq quny 79 million 839 myń teńge bolǵan.
Aita keteiik, Bentley Bentayga avtokóligi boiynsha saýda-sattyq 2024 jyldyń 3 shildesinde qtýi kerek bolǵan, biraq olar qatysýǵa ótinishtiń bolmaýyna bailanysty ótpegen.
Mercedes-Benz Maybach S580 avtokóligin satý boiynsha saýda 5 shildede ótýi kerek bolǵanymen keiinge qaldyrylǵan.
Aita keteiik, 2022 jyly qarashada Antikor men Bas prokýratýra Indýstriia jáne infraqurylymdyq damý ministrligindegi laýazymdy tulǵalarǵa qatysty tergeý bastalǵanyn habarlaǵan bolatyn.
Keiinnen eks-vitse-ministr Timýr Toqtabaev ustalǵany belgili boldy. Timýr Toqtabaev 2023 jyldyń qazan aiynda laýazymdyq ókilettikterin asyra paidalanǵany úshin jeti jylǵa sottaldy.
