Eks-general Serik Kúdebaevtyń otbasyna tiesili Almaty oblysyndaǵy jerler tárkilendi, - dep habarlaidy Dalanews.kz.
Bul týraly nege.aqsha habarlady. Sot sottalǵan Almaty oblysynyń burynǵy politsiia bastyǵy Serik Kúdebaevtyń uly men aǵasyna qoiylǵan Jer resýrstaryn basqarý departamentiniń talabyn qanaǵattandyrdy. Temirlan Myrzaqulov pen Muratbek Qudebaev, sondai-aq olardyń "Kensai-Agro" seriktestigi olarǵa 49 jylǵa jalǵa berilgen jaiylymdyq jer ýchaskelerinen aiyryldy.
Sot jerdi berý tártibin buzǵany úshin jaldaý sharttaryn jaramsyz dep tapty.
Eske salaiyq, buǵan deiin sottalǵan eks-general Kúdebaevtyń otbasynyń basy taǵy daýǵa qalǵanyn jazǵan edik.
Almaty oblysynyń Jer resýrstaryn basqarý departamenti Serik Kúdebaevtyń uly Temirlan Myrzaqulǵa jáne oǵan tiesili "Keńsai-agro" JShS-ǵa, sondai-aq, burynǵy generaldyń aǵasy Muratbek Kúdebaevqa qatysty sot isin qozǵady.
"Almaty oblysy ekonomikalyq sotynyń 2024 jylǵy 2 aqpandaǵy jeke qaýlysyna sáikes, sóz 2015 jylǵy qarashada jáne 2019 jylǵy qazanda Jambyl aýdanynyń jer qatynastary bólimi burynǵy joǵary dárejeli politsiia qyzmetkeriniń aǵasy Muratbek Kúdebaevqa bergen jer ýchaskeleri týraly bolyp otyr.
Talapker jerdi berý kezinde zańbuzýshylyqtar bolǵan dep sanaidy. Sondai-aq, departament Muratbek Kúdebaev pen "Keńsai-agro" JShS arasynda 2020 jylǵy 8 jeltoqsanda jasalǵan jarǵylyq kapitalǵa berý týraly sharttyń kúshin joiýdy talap etip otyr. Anyq-qanyǵy ázirge belgisiz", - dep jazdy arna.
Buǵan deiin buqaralyq aqparat quraldary arqyly da Kúdebaevtyń otbasy aýyl sharýashylyǵymen ainalysatyny belgili.
