Depýtat Asqar Sadyqov ne úshin partiiadan shyǵarylǵany belgili boldy, - dep habarlaidy Dalanews.kz.
Aqjol partiiasynyń jetekshisi Azat Perýashevtiń sózinshe, partiia atyna Asqar Sadyqovqa qatysty birqatar shaǵym túsken, onda aitylǵan jáittar plenýmda qaralyp, tiisti sheshim shyǵarylǵan.
"Shaǵymdardyń deni onyń teris is-áreketterine, atap aitqanda, ókilettigin asyra paidalaný men etikalyq normalardy buzýyna bailanysty boldy. Shaǵymdardyń árqaisysy boiynsha jeke-jeke faktiler keltirýge bolatyn bolsa da, bir ǵana mysaldy atap ótý jetkilikti dep oilaimyn.
Máselen, parlamentte (partiiada emes) jumys isteitin bir áiel adam Asqar Sadyqovtyń birneshe ret uiatsyz usynystar jasap, qysym kórsetkeni týraly aityp aryzdandy. Ol óziniń sózine dálel retinde vatsabyna Asqar Sadyqovtan kelip túsken habarlamalardyń skrinin kórsetti (etikalyq sebepterterge bailanysty onyń bopsalaýyna tap bolǵan atalǵan jábirlenýshiniń esimi jasyrylǵan)", - deidi Perýashev.
Aryzdanýshy 17 sáýirde ózine jazylǵan mundai qorlaý usynystardy jaýapsyz qaldyryp, elemegen eken.
"Alaida, 15 mamyrda bul áreketter taǵy qaitalanǵan jáne aryzdanýshynyń aitýynsha, Asqar Sadyqov jynystyq bopsalaýdy júieli túrde basqa kúnderde de jalǵastyrǵan. Biraq, Sadyqovtyń depýtattyq qol suǵylmaýshylyqqa ie ekendigýne bailanysty, harrasmentke tap bolǵan jábirlenýshi quqyqtyq qorǵaýǵa júgine almaǵan.
Pleným barysynda osyndai áshkere bolǵan zańsyz áreketterge jol berilmeitindigi týraly eskertýime jaýap retinde Asqar Sadyqov «óziniń depýtat ekenin jáne kimge ne qalasa sony aitýǵa quqyly ekendigin» aitty. Sondyqtan, biz bul kedergini alyp tastadyq, al Asqar Sadyqovty depýtattyq mártebesinen aiyrý týraly qabyldanǵan sheshim jábirlenýshige ar-namysy men qadir-qasietin qorǵaýǵa múmkindik beredi", - delingen jazbada.
Onyń laiyqsyz minez-qulqynyń basqa da faktileri bar, sonyń negizinde osyndai sheshim qabyldanǵan.
"Olardyń keibireýleri quqyq qorǵaý organdarynyń da nazaryn aýdarýy múmkin, ondai jaǵdaida qajetti kómek kórsetýge daiynbyz. Kórip otyrǵandaryńyzdai, óte las jaǵdai bolǵan. Bireýdiń habarlamalaryn oqyp, ony jariialaýǵa esh qulqym joq edi. Alaida, bizdiń únsizdigimizdi bireýler basqasha túsingen siiaqty, suhbattyń birinde ózin 1937 jylǵy repressiialar qurbandarymen salystyryp, "shyndyq" úshin jazym bolǵandai qylyp jetkizgen A. Sadyqov ta soǵan sebepshi. Bul "shyndyqtyń" da shynaiy bet júzin kórsetýge májbúrmiz, odan basqa da epizodtar men qujattar jeterlik", - deidi Azat Perýashev.
Pleným naqty faktilerge súiene otyryp Asqar Sadyqovty partiiadan shyǵarý týraly sheshim qabyldaǵan.
"Sonyń ishinde, bul jaǵdailardyń (birnesheý) odan da qaýipti saldary bolmas úshin.
Ózge adamdardyń ar-namysy men jeke ómirine qatysty bolǵasyn bul jaǵdaidy kópshilik aldyna shyǵarý maǵan óte jiirkenishti bolsa da, osy másele tóńiregindegi daý-damai men alyp-qashpa áńgimelerdiń núktesin qoiýǵa májbúrmin", - dep túsindirdi Perýashev.
