Qazaqstannyń eks-áskeri qyzmetkerleri prezident Qasym-Jomart Toqaevqa úndeý jasady, - dep habarlaidy Dalanews.kz.
«Qurmetti Qasym-Jomart Kemeluly! Biz, áskeri qyzmetshiler, óz elimizdi qorǵaýǵa jáne Qazaqstannyń múddesin qorǵaýǵa ant berdik jáne ózimizdiń áskeri boryshymyzdy abyroimen oryndadyq, oǵan bizdiń nagradalarymyz dálel. Biz bergen antymyzǵa qazir de adalmyz. Sondyqtan sizdiń nazaryńyzdy mynaǵan aýdarǵymyz keledi: táýelsizdik jyldary eldiń áskeri qarýly kúshterin, Qorǵanys ministrligin 9 jyl boiy áskeri bilimi joq 4 adam basqardy. Al Qazaqstannyń Qorǵanys ministrligin birneshe jyl boiy áskeri bilim alǵan basqarýy qajet emes pe. Ministrlikti áskeri bilimi joq adamdar basqarǵan jyldary (2007 – 2016 jyldary) qarýly kúshterdiń 250 ofitseri qamaýǵa alynǵan. Onyń ishinde generaldar, polkovnikter bar. Olardyń bári eń myqty sanalatyn áskeri akademiialardy bitirgen», - deidi áskeriler.
Olardyń sózinshe, qamaýǵa alynǵan keibir adamdarǵa kedergi jasaǵandar bolǵan.
«Olardyń keibireýine kedergi keltire jasala bastady nemese biz atqarǵan laýazymdar bireýge qajet boldy, múmkin bul laýazymdardy ózimshil nietpen paidalaný úshin nemese Qarýly Kúshterdiń jaýyngerlik qabiletin álsiretý úshin qajet bolǵan shyǵar, sondyqtan qylmystyq ister oidan shyǵaryldy, al biz áskeri adamdar negizsiz qylmystyq jaýapkershilikke tartylyp, sottalǵandar boldy. Konstitýtsiiaǵa sáikes, Qazaqstan Respýblikasy ózin demokratiialyq jáne quqyqtyq memleket retinde bekitedi, onyń eń joǵary qundylyqtary adam, onyń ómiri, quqyqtary men bostandyqtary bolyp sanalady», - deidi úndeý jasaǵan áskeriler.
Eks-áskeri qyzmetkerler ár adamnyń jeke basynyń bostandyǵyna memleket kepildik berýi keregin aitady. Áskeriler úndeýinde birneshe áskeri shendige qatysty qozǵalǵan qylmystyq ister týraly aitty. Olardyń sózinshshe, áskeriler qajet dálelsiz, bir ǵana kýágerdiń aiǵaǵymen sottalyp ketken jaǵdailar bolǵan.
Sonymen qatar, áskeri qyzmetkerlerdiń sózinshe, kóptegen qylmystyq is tirkelmesten tergeý amaldary júrgizilgen.
«Mysaly maǵan qatysty qylmystyq is anonim aryz negizinde qozǵaldy. Alaida bizdiń elimizde anonim túrde aryz berýge tyiym salynǵan. Anonim aryz bolsa ony tekserýi kerek edi, ol aryz burynǵy kúnmen tirkelgen. 4 jyl tergeý izoliatorynda otyrdym. Men shyn máninde almaǵan para úshin 10,5 jyl qatań rejimdegi koloniiada otyrdym», - deidi úndeý avtory.
Úndeý avtorlary keibir qylmystyq ister zań boiynsha júrgizilgen bolýy da múmkin ekenin aitady.
«Qurmetti Qasym-Jomart Kemeluly! Osy úndeýde kórsetilgen ister boiynsha shyǵarylǵan sot aktileriniń zańdylyǵyn tekserý jónindegi komissiia qurýdy suraimyz. Sondai-aq sottalǵan áskeri qyzmetshilerdiń 2007-2021 jyldar aralyǵyndaǵy shaǵymdary boiynsha tekseris júrse deimiz», - deidi úndeý avtorlary.
