قازاقستاننىڭ ەكس-اسكەري قىزمەتكەرلەرى پرەزيدەنت قاسىم-جومارت توقايەۆقا ۇندەۋ جاسادى، - دەپ حابارلايدى Dalanews.kz.
«قۇرمەتتى قاسىم-جومارت كەمەل ۇلى! ءبىز، اسكەري قىزمەتشىلەر، ءوز ەلىمىزدى قورعاۋعا جانە قازاقستاننىڭ مۇددەسىن قورعاۋعا انت بەردىك جانە ءوزىمىزدىڭ اسكەري بورىشىمىزدى ابىرويمەن ورىندادىق، وعان ءبىزدىڭ ناگرادالارىمىز دالەل. ءبىز بەرگەن انتىمىزعا ءقازىر دە ادالمىز. سوندىقتان ءسىزدىڭ نازارىڭىزدى مىناعان اۋدارعىمىز كەلەدى: تاۋەلسىزدىك جىلدارى ەلدىڭ اسكەري قارۋلى كۇشتەرىن، قورعانىس مينيسترلىگىن 9 جىل بويى اسكەري ءبىلىمى جوق 4 ادام باسقاردى. ال قازاقستاننىڭ قورعانىس مينيسترلىگىن بىرنەشە جىل بويى اسكەري ءبىلىم العان باسقارۋى قاجەت ەمەس پە. مينيسترلىكتى اسكەري ءبىلىمى جوق ادامدار باسقارعان جىلدارى (2007 – 2016 جىلدارى) قارۋلى كۇشتەردىڭ 250 وفيسەرى قاماۋعا الىنعان. ونىڭ ىشىندە گەنەرالدار، پولكوۆنيكتەر بار. ولاردىڭ ءبارى ەڭ مىقتى سانالاتىن اسكەري اكادەميالاردى بىتىرگەن»، - دەيدى اسكەريلەر.
ولاردىڭ سوزىنشە، قاماۋعا الىنعان كەيبىر ادامدارعا كەدەرگى جاساعاندار بولعان.
«ولاردىڭ كەيبىرەۋىنە كەدەرگى كەلتىرە جاسالا باستادى نەمەسە ءبىز اتقارعان لاۋازىمدار بىرەۋگە قاجەت بولدى، مۇمكىن بۇل لاۋازىمداردى ءوزىمشىل نيەتپەن پايدالانۋ ءۇشىن نەمەسە قارۋلى كۇشتەردىڭ جاۋىنگەرلىك قابىلەتىن السىرەتۋ ءۇشىن قاجەت بولعان شىعار، سوندىقتان قىلمىستىق ىستەر ويدان شىعارىلدى، ال ءبىز اسكەري ادامدار نەگىزسىز قىلمىستىق جاۋاپكەرشىلىككە تارتىلىپ، سوتتالعاندار بولدى. كونستيتۋسياعا سايكەس، قازاقستان رەسپۋبليكاسى ءوزىن دەموكراتيالىق جانە قۇقىقتىق مەملەكەت رەتىندە بەكىتەدى، ونىڭ ەڭ جوعارى قۇندىلىقتارى ادام، ونىڭ ءومىرى، قۇقىقتارى مەن بوستاندىقتارى بولىپ سانالادى»، - دەيدى ۇندەۋ جاساعان اسكەريلەر.
ەكس-اسكەري قىزمەتكەرلەر ءار ادامنىڭ جەكە باسىنىڭ بوستاندىعىنا مەملەكەت كەپىلدىك بەرۋى كەرەگىن ايتادى. اسكەريلەر ۇندەۋىندە بىرنەشە اسكەري شەندىگە قاتىستى قوزعالعان قىلمىستىق ىستەر تۋرالى ايتتى. ولاردىڭ سوزىنشششە، اسكەريلەر قاجەت دالەلسىز، ءبىر عانا كۋاگەردىڭ ايعاعىمەن سوتتالىپ كەتكەن جاعدايلار بولعان.
سونىمەن قاتار، اسكەري قىزمەتكەرلەردىڭ سوزىنشە، كوپتەگەن قىلمىستىق ءىس تىركەلمەستەن تەرگەۋ امالدارى جۇرگىزىلگەن.
«مىسالى ماعان قاتىستى قىلمىستىق ءىس انونيم ارىز نەگىزىندە قوزعالدى. الايدا ءبىزدىڭ ەلىمىزدە انونيم تۇردە ارىز بەرۋگە تىيىم سالىنعان. انونيم ارىز بولسا ونى تەكسەرۋى كەرەك ەدى، ول ارىز بۇرىنعى كۇنمەن تىركەلگەن. 4 جىل تەرگەۋ يزولياتورىندا وتىردىم. مەن شىن مانىندە الماعان پارا ءۇشىن 10،5 جىل قاتاڭ رەجيمدەگى كولونيادا وتىردىم»، - دەيدى ۇندەۋ اۆتورى.
ۇندەۋ اۆتورلارى كەيبىر قىلمىستىق ىستەر زاڭ بويىنشا جۇرگىزىلگەن بولۋى دا مۇمكىن ەكەنىن ايتادى.
«قۇرمەتتى قاسىم-جومارت كەمەل ۇلى! وسى ۇندەۋدە كورسەتىلگەن ىستەر بويىنشا شىعارىلعان سوت اكتىلەرىنىڭ زاڭدىلىعىن تەكسەرۋ جونىندەگى كوميسسيا قۇرۋدى سۇرايمىز. سونداي-اق سوتتالعان اسكەري قىزمەتشىلەردىڭ 2007-2021 جىلدار ارالىعىنداعى شاعىمدارى بويىنشا تەكسەرىس جۇرسە دەيمىز»، - دەيدى ۇندەۋ اۆتورلارى.
