Ekologiia jáne tabiǵi resýrstar ministri Erlan Nysanbaev Qaraǵandy jáne Pavlodar oblystaryndaǵy órtke qatysty suraqtarǵa jaýap berdi, - dep habarlaidy Dalanews.kz Ult.kz-ke siltep.
«Jańa Úkimet otyrysynda Pavlodar oblysy aǵash otyrǵyzý jaǵynan eń tómengi kórsetkishke ie degen sóz aityldy. Qazir Pavlodarda orman órtenip jatqany belgili. Órtten keletin shyǵyn bar. Pavlodardaǵy jasyl jelekterdiń máselesi tipti kúrdelenip ketpei me?» degen suraqqa ministr másele kúrdelenbeidi dep jaýap berdi.
«Másele kúrdelenbeidi, sebebi ózderińizge málim, 6 qazanǵa qaraǵan tańda órt bastaldy. Túske taman Pavlodar oblysyn sharpydy. Baianaýyl ulttyq saiabaǵynyń jerine kirdi. Biraq ol tolyǵymen dala (stepnaia zona). Bar-joǵy órt shalǵany 13 ga jalpaqty aǵash túrleri. Biraq ol tómengi sapty qamtydy, aǵashtyń arasyn sharpyp ótti. Aǵashtar ózderi aman. Sol sebepti eshqandai kedergi joq, ózimizdiń josparly jumysymyzdy jalǵastyramyz», — dedi E.Nysanbaev.
«Qazirgi ýaqytta órttiń qansha bóligi sóndirildi?» degen suraqqa da jaýap berdi.
«Ókinishke qarai, 6-sy kúngi jeldiń baǵyty soltústik-shyǵystan soqsa, kesheden beri ońtústikke qarai aýysty. Qarqaraly jaqtan aýysqandyqtan, biraz qiyndyqtar týyndap jatyr, biraq TJM aitýynsha, búgin órt toqtatylady. Birshama kúshter jumyldyrylǵan. Orman emes, dala órtenip jatqandyqtan, keshke deiin sóndiriledi dep senemin. Biyl jaýyn-shashyn kóp boldy, shóp qalyń, tez janady. Qaýip-qater keshke deiin sheshiledi», — dedi ministr.
TJM kúshteri qoldan kelgenin jasap jatqanyn aityp otyr. Al Qaraǵandy oblysynda jaǵdai qiyn ekeni habarlandy.
