ەكولوگيا جانە تابيعي رەسۋرستار ءمينيسترى ەرلان نىسانبايەۆ قاراعاندى جانە پاۆلودار وبلىستارىنداعى ورتكە قاتىستى سۇراقتارعا جاۋاپ بەردى، - دەپ حابارلايدى Dalanews.kz Ult.kz-كە سىلتەپ.

«جاڭا ۇكىمەت وتىرىسىندا پاۆلودار وبلىسى اعاش وتىرعىزۋ جاعىنان ەڭ تومەنگى كورسەتكىشكە يە دەگەن ءسوز ايتىلدى. ءقازىر پاۆلوداردا ورمان ورتەنىپ جاتقانى بەلگىلى. ورتتەن كەلەتىن شىعىن بار. پاۆلودارداعى جاسىل جەلەكتەردىڭ ماسەلەسى ءتىپتى كۇردەلەنىپ كەتپەي مە؟» دەگەن سۇراققا مينيستر ماسەلە كۇردەلەنبەيدى دەپ جاۋاپ بەردى.

«ماسەلە كۇردەلەنبەيدى، سەبەبى وزدەرىڭىزگە ءمالىم، 6 قازانعا قاراعان تاڭدا ءورت باستالدى. تۇسكە تامان پاۆلودار وبلىسىن شارپىدى. باياناۋىل ۇلتتىق ساياباعىنىڭ جەرىنە كىردى. ءبىراق ول تولىعىمەن دالا (ستەپنايا زونا). بار-جوعى ءورت شالعانى 13 گا جالپاقتى اعاش تۇرلەرى. ءبىراق ول تومەنگى ساپتى قامتىدى، اعاشتىڭ اراسىن شارپىپ ءوتتى. اعاشتار وزدەرى امان. سول سەبەپتى ەشقانداي كەدەرگى جوق، ءوزىمىزدىڭ جوسپارلى جۇمىسىمىزدى جالعاستىرامىز»، — دەدى ە.نىسانبايەۆ.

«قازىرگى ۋاقىتتا ءورتتىڭ قانشا بولىگى ءسوندىرىلدى؟» دەگەن سۇراققا دا جاۋاپ بەردى.

«وكىنىشكە قاراي، 6-سى كۇنگى جەلدىڭ باعىتى سولتۇستىك-شىعىستان سوقسا، كەشەدەن بەرى وڭتۇستىككە قاراي اۋىستى. قارقارالى جاقتان اۋىسقاندىقتان، ءبىراز قيىندىقتار تۋىنداپ جاتىر، ءبىراق تجم ايتۋىنشا، بۇگىن ءورت توقتاتىلادى. ءبىرشاما كۇشتەر جۇمىلدىرىلعان. ورمان ەمەس، دالا ورتەنىپ جاتقاندىقتان، كەشكە دەيىن سوندىرىلەدى دەپ سەنەمىن. بيىل جاۋىن-شاشىن كوپ بولدى، ءشوپ قالىڭ، تەز جانادى. قاۋىپ-قاتەر كەشكە دەيىن شەشىلەدى»، — دەدى مينيستر.

تجم كۇشتەرى قولدان كەلگەنىن جاساپ جاتقانىن ايتىپ وتىر. ال قاراعاندى وبلىسىندا جاعداي قيىن ەكەنى حابارلاندى.