Ekobelsendi Timýr Eleýsizov Almaty oblysyndaǵy órtke bailanysty qylmystyq is qozǵaýdy talap etti, dep habarlaidy Dalanews.kz.
Almaty oblysyndaǵy qatty turmystyq qaldyqtar poligonyndaǵy órt bir aptadan keiin ǵana tolyq aýyzdyqtaldy. Osy ýaqyt ishinde tútin men jaǵymsyz iis megapoliske deiin jetti.
Ekobelsendi, Máslihat depýtaty Timýr Eleýsizov bul jaǵdai jazasyz qalmaýǵa tiis dep sanaidy.
"Prokýratýra jumys istep, qylmystyq is qozǵaýǵa tiis. Mysaly Uzynǵash aýdanynda bir aiǵa sozylǵan qoqys órtinen keiin prokýratýra poligon iesine qatysty qylmystyq is qozǵaǵan. Bizde poligon qojaiyndary protsesterdi basqarmaidy, olardy negizinen bir nárse ǵana qyzyqtyrady: turmystyq qaldyqtardy qabyldaý. Aqshasyn alyp, paida tabady. Al olar turaqty túrde rekýltivatsiia jasap, qoqysty suryptaýy kerek", – dedi Eleýsizov.
Mán-jaiy
Bir aptadai ýaqyt buryn Almaty – Óskemen tasjolynyń 35-shaqyrymynda, Alataý aýyly mańyndaǵy "ADC TAZA ALEM" JShS-ine tiesili qatty turmystyq qaldyqtar poligonynda órt shyqqan edi.
Resmi málimetterge súiensek, jalpy aýmaǵy 35 gektar bolatyn poligonnyń shamamen 10 gektar jerinde qoqys janǵan.
