Ekibastuzda er adam ekinshi qabatqa órmelep shyǵyp, terezeden qulap ketýge shaq qalǵan balany qutqaryp qaldy, dep habarlaidy Dalanews.kz.
60 jastaǵy Toqan Baidildin terezeden oiynshyqtaryn tómenge laqtyryp turǵan sábidi baiqap qalǵan. Bala olardy alýǵa umtylyp, qulap kete jazdaǵan.
Bei-jai qaramaǵan turǵyn balkonǵa órmelep shyǵyp, der kezinde balany ustap úlgerdi, osylaisha qaiǵyly jaǵdaidyń aldyn aldy.
Aimaqtaǵy bala quqyqtary jónindegi ombýdsmen Sáýle Shákeneva ekinshi qabattyń ózi de óte qaýipti bolýy múmkin ekenin eskertti.
Aita keteiik, 2025 jyly Pavlodar oblysynda terezeden 17 bala qulap, onyń tórteýi kóz jumǵan.
