Prokýratýranyń aralasýynan keiin Ekibastuzdaǵy GRES-1 men vagon jasaý zaýyty memleketke milliard teńgege jýyq salyq tóledi, dep habarlaidy Dalanews.kz.
Pavlodar oblysynyń prokýratýrasy Ekibastuzdaǵy eki iri óndiristik kásiporynnyń salyqtan jaltarýǵa tyrysqanyn málimdedi. Naqty aitqanda, Nurjanov atyndaǵy Ekibastuz GRES-1 jáne Qazaqstandyq vagon jasaý kompaniiasy salyqty tolyq tólemegen. GRES 421 mln teńge, al vagon zaýyty 550 mln teńge salyq tóleýden jaltarǵan.
"GRES jóndeý jumystary kezinde tabys tabýǵa qatysy joq taýarlar men qyzmetterdi shegerimge jatqyzyp jibergen. Al vagon zaýytynda ónim ótkizý kólemi ádeii tómendetilgeni anyqtaldy", – dep habarlady prokýratýra ókilderi.
Qadaǵalaýshy organ bul faktiler boiynsha tiisti shara qoldanyp, salyq organdaryna usynys engizgen. Sonyń negizinde kameraldyq baqylaý júrgizilip, kásiporyn ókilderiniń qatysýymen ákimshilik tyńdaýlar uiymdastyryldy.
"Nátijesinde barlyq buzýshylyqtar joiylyp, kásiporyndar salyq mindettemelerin óz erkimen oryndady. Qajetti soma tolyǵymen memlekettik biýdjetke aýdaryldy", – dep qorytyndylady prokýratýra.
