– Qalanyń jas turǵyndary óz Otanynyń naǵyz patrioty bolyp óssin, bizdi oqýdaǵy tabystarymen, ziiatkerlik, shyǵarmashylyq jáne sporttyq jetistikterimen qýanta bersin! Barshańyzǵa zor densaýlyq, beibit aspan, kut-bereke, balalarǵa jaidary jaz syilaǵan jarqyn sátter tileimin, – dedi qala basshysy.
Qala ákimi marafon jinaq sandyqshasyna/kopilkasyna úlesin qosyp, «Sáýletai-2015» balalar shyǵarmashylyq festivaliniń saltanatty marapattaý rásimin bastady. Bas júldeniń iegeri №6 «Zolotaia rybka» balabaqshasynyń ujymy atandy.
Shyǵarmashylyq baiqaýdyń qorytyndysy boiynsha birinshi oryndy №1 «Romashka» damý ortalyǵy, №15 «Bóbek» estetikalyq damý ortalyǵy jeńip aldy. Ekinshi oryn №18 «Gnomik», №20 «Merei», №24 «Ainalaiyn» balabaqshalary aldy. Úshinshi oryn №3 «Gnezdyshko», №2 «Baldyrǵan», №4 «Berezka», №12 «Arai» balabaqshalary, №23 «Balaýsa» gimnaziia-balabaqshalarynyń enshisine tidi. Saiysqa qatysýshylar baqtaryn alty nominatsiialar boiynsha synapty: «Aspapta oryndaý», «Horeografiia», «Kórkem kompozitsiia», «Vokaldy top», «Hor», «Ózindik janr». Barlyq jeńimpazdarǵa diplom jáne baǵaly syilyqtar tabys etildi.
Ótken jyly marafon aiasynda 50-ge jýyq jappai mádeni sharalar ótkizildi. Ekibastuzdyqtardyń meiirimdi júrekteriniń arqasynda qaiyrymdylyq uiym 2 myńnan asa balaǵa kómek kórsetti. Bul ómirge qajet zertteýler, ota jasaý, naýqas balalardy emdeý. Kishkentai azamattardyń taǵdyryna nemquraily qaramaityn qalanyń 114 kásiporny, mekemeleri jáne qarapaiym adamdary ómirdiń qiyn jaǵdaiyna dýshar bolǵan balalarǵa qolushyn berdi.
