Jýyrda Almaty men Astana qalalarynda birneshe turǵyn úi kesheni tekserilip, pritondar áshkere boldy. Osydan keiin áleýmettik jelide olardyń úndeýi paida boldy, dep habarlaidy Dalanews.kz.
Jazba avtory óz qyzmetterin zańdastyrýdy suraǵan. Onyń sózinshe, Almatyda áshkere bolǵan 70 pritonnyń ishinde ózi, qurbylary jumys istegen.
"...Biz jumyssyz qaldyq. Muny zańdastyratyn kez keldi. Iá, men bul jumysty sanaly túrde tańdadym. Endi maǵan klienttermen kezdesý úshin jańa oryn tabý kerek. Jeke kásipkerlik ashyp, salyq tólei alamyn. Men ony "Meniń denem - meniń sharýam" dep ataimyn", - dedi ol.
Buǵan deiingi jaǵdai
Almaty boiynsha
Jýyrda Almatyda úsh turǵyn úi kesheninen 71 priton áshkere boldy. Almaly aýdanynda politsiia qyzmetkerleri "Manhetten", "Aqbulaq" jáne "Káýsar" turǵyn úi keshenderinde jynystyq qyzmet kórsetetin jezóksheler úileri men zańsyz jumys isteitin salondardy anyqtaý maqsatynda reid ótkizgen.
"Reid barysynda 71 jezóksheler úii áshkere boldy. Zańsyz áreketke úi bergen páter ieleri jaýapqa tartyldy. Bul páterlerde tirkeýsiz jáne jeke basyn kýálandyratyn qujatsyz turǵan adamdarǵa da ákimshilik shara qoldanyldy", - dedi Almaly aýdandyq politsiia basqarmasynyń bastyǵy Maqsat Pshan.
Astana boiynsha
Elorda turǵyndarynyń shaǵymyn tekserý barysynda "Lazýrnyi kvartal", "Diplomat" jáne "Mison" turǵyn úi keshenderinde zańsyz priton uiymdastyrǵan top anyqtalǵan. 14 adam ustalyp, uiymdastyrýshylar ýaqytsha ustaý izoliatoryna qamaýǵa alynǵan.
