Qazan aıynan bastap eGov.kz elektrondy úkimet portalyna kirý tártibi ózgerdi, dep habarlaıdy Dalanews.kz.
Endi ESQ-dan keıin SMS-kod qajet
Endi júıege ESQ arqyly kirgennen keıin paıdalanýshy óz jeke basyn 1414 nómirinen keletin SMS-kodpen rastaýy tıis.
Bul jańashyldyq eOtinish jáne «Ashyq úkimet» servısterine de qatysty.
Negizgi maqsat - derbes derekterdi qorǵaý
Sıfrlyq damý mınıstrliginiń málimetinshe, eki kezeńdi avtorızasıa jeke málimetterdiń qaýipsizdigin arttyrý jáne ruqsatsyz kirýdiń aldyn alý úshin engizildi.
SMS alý úshin paıdalanýshynyń mobıldik nómiri eGov.kz tirkelgisimen baılanystyrylǵan bolýy qajet.
Basqa tásil
Júıege kirýdiń balama tásili - eGov Mobile mobıldik qosymshasy arqyly QR-kod skanerleý.
Sondaı-aq shetelde júrgen azamattarǵa halyqaralyq roýmıngti qosýly ustaý eskertildi.
ESQ-ny basqaǵa berýge bolmaıdy
Mamandardyń aıtýynsha, ESQ-ny úshinshi tulǵaǵa berý - jeke qoltańbany berý retinde esepteledi jáne bul ákimshilik jaýapkershilikke ákeledi.
Mundaı quqyqbuzýshylyq úshin aıyppul mólsheri 50-den 200 AEK-ke deıin jetýi múmkin.
