قازان ايىنان باستاپ eGov.kz ەلەكتروندى ۇكىمەت پورتالىنا كىرۋ ءتارتىبى وزگەردى، دەپ حابارلايدى Dalanews.kz.
ەندى ەسق-دان كەيىن SMS-كود قاجەت
ەندى جۇيەگە ەسق ارقىلى كىرگەننەن كەيىن پايدالانۋشى ءوز جەكە باسىن 1414 نومىرىنەن كەلەتىن SMS-كودپەن راستاۋى ءتيىس.
بۇل جاڭاشىلدىق eOtinish جانە «اشىق ۇكىمەت» سەرۆيستەرىنە دە قاتىستى.
نەگىزگى ماقسات - دەربەس دەرەكتەردى قورعاۋ
سيفرلىق دامۋ مينيسترلىگىنىڭ مالىمەتىنشە، ەكى كەزەڭدى اۆتوريزاسيا جەكە مالىمەتتەردىڭ قاۋىپسىزدىگىن ارتتىرۋ جانە رۇقساتسىز كىرۋدىڭ الدىن الۋ ءۇشىن ەنگىزىلدى.
SMS الۋ ءۇشىن پايدالانۋشىنىڭ موبيلدىك ءنومىرى eGov.kz تىركەلگىسىمەن بايلانىستىرىلعان بولۋى قاجەت.
باسقا ءتاسىل
جۇيەگە كىرۋدىڭ بالاما ءتاسىلى - eGov Mobile موبيلدىك قوسىمشاسى ارقىلى QR-كود سكانەرلەۋ.
سونداي-اق شەتەلدە جۇرگەن ازاماتتارعا حالىقارالىق روۋمينگتى قوسۋلى ۇستاۋ ەسكەرتىلدى.
ەسق-نى باسقاعا بەرۋگە بولمايدى
مامانداردىڭ ايتۋىنشا، ەسق-نى ءۇشىنشى تۇلعاعا بەرۋ - جەكە قولتاڭبانى بەرۋ رەتىندە ەسەپتەلەدى جانە بۇل اكىمشىلىك جاۋاپكەرشىلىككە اكەلەدى.
مۇنداي قۇقىقبۇزۋشىلىق ءۇشىن ايىپپۇل مولشەرى 50-دەن 200 اەك-كە دەيىن جەتۋى مۇمكىن.
