Efes Art Space 2026 jylǵy alǵashqy kórmesin usynady. Occupy Steppe galereiasynda ótetin «Maýjyraý» kórmesi zamanaýi qazaqstandyq sýretshiler Natalia Gýroraksheeva men Alina Julamanovanyń jumystaryn bir keńistikte toǵystyrdy, dep habarlaidy dalanews.kz.
«Efes Art Space-tiń basty missiiasy – Qazaqstandaǵy shyǵarmashylyq ortany damytý. Sondyqtan biyl biz sýretshilerdi tikelei qoldaýmen qatar, jergilikti art-bastamalarmen seriktestikke erekshe nazar aýdarýdy jón kórdik. Biylǵy dástúrli syilyǵymyzdy «Artishok» teatrynyń qabyrǵasynda ótkizsek, alǵashqy kórmemizdi Occupy Steppe galereiasynda uiymdastyryp otyrmyz. Aldaǵy ýaqytta Adamdart áleýmettik teatrymen jáne Gakka art-keńistigimen de birlesken jobalar josparlanǵan», – dep Efes Kazakhstan kompaniiasynyń marketing jónindegi direktory Zeinep Erkan Alp atap ótti.
Efes Art Space-tiń besinshi maýsymyn ashqan alǵashqy kórmeniń ataýy qazaqtyń «maýjyraý» sózinen alynǵan. Bul – uiqy men oiaý kúidiń arasyndaǵy erekshe sezim, ishki tynyshtyq pen aldaǵy ózgeristerdi aldyn ala sezinýdiń sáti. Dál osy kúi eki sýretshiniń shyǵarmashylyq dialogynyń negizgi ózegine ainaldy.
«Bul kórmede kórermender maýjyraý kúiin – uiqy men oiaý arasyndaǵy názik sátti birge sezine alady. Sol kúige enip, ony tyńdap, óz boiynan aldaǵy ózgeristerdiń belgisin tabýǵa múmkindik bar», – deidi Efes Art Space kýratory Olia Veselova.
Alina Julamanova óz shyǵarmalarynda adam, tabiǵat jáne tsifrlyq orta arasyndaǵy bailanysty zertteidi. Jady men úzdiksiz ózgeristiń simvoly retinde sýdy qoldana otyryp, sýretshi zamanaýi tehnologiialar men áleýmettik jelilerdiń qorshaǵan álemdi qabyldaýymyzǵa qalai áser etetinin paiymdaidy. Onyń peizajdary áleýmettik jelidegi taspany eske túsirip, búgingi tańda sáttiń sulýlyǵyn smartfon ekranynda qalai kórinetinin oilamai-aq qabyldai alamyz ba degen suraq qoiady. Pikseldený, tsifrlyq artefaktiler men simýliatsiia áseri kórkem tildiń bir bóligine ainalyp, shynaiy jáne virtýaldy keńistik arasyndaǵy shekaranyń buldyrlyǵyn kórsetedi.
Natalia Gýroraksheevanyń jumystary adamnyń ishki kúiine úńiledi. Onyń keiipkerleri úmit, alańdaýshylyq pen náziktik arasynda tepe-teńdik saqtap, únsiz kútýde turǵandai áser qaldyrady. Kompozitsiialarda erekshe oryn alatyn tereń qara fon derbes kórkem beinege ainalyp, tynyshtyq, ishki shielenis pen emotsiialyq jinaqylyq keńistigin qalyptastyrady. Uqyptylyqpen qurylǵan rombtar men tor kózderden turatyn órnekter belgisizdik jaǵdaiynda baqylaýdy saqtaýǵa jáne ishki turaqtylyqty tabýǵa degen umtylysty bildiredi.
«Biz Efes Art Space-pen birneshe jyldan beri tabysty yntymaqtastyq ornatyp kelemiz jáne bul meniń kýratorlyq ári galereialyq tájiribemniń mańyzdy bóligine ainaldy. Jańa birlesken joba – jaqynda ashylǵan Occupy Steppe keńistigindegi kórme. Osy joba aiasynda eki jańa sýretshimen jumys isteý múmkindigine ie boldym. Barshańyzdy osy shyǵarmashylyq tájiribeniń nátijesin alǵashqylardyń biri bolyp kórýge shaqyramyz», – dedi galerist Sanjar Serikpaev.
Ár túrli kórkemdik tájiribelerdi toǵystyrǵan «Maýjyraý» kórmesi kórermendi kúndelikti ómirdiń qarbalasynan bir sátke alystap, uiqy men oiaý arasyndaǵy sirek kezdesetin kúidi sezinýge shaqyrady. Bul – oiǵa shomyp, tolǵanyp, óz-ózińmen únsiz syrlasýǵa múmkindik beretin, bolashaqtaǵy ózgeristerdiń lebin sezinetin erekshe keńistik.
Kórme týraly aqparat:
Ótetin orny: Occupy Steppe galereiasy (Atakent Mall, 1-qabat)
Ótetin merzimi: 15 shilde – 9 tamyz 2026 jyl
Ashylýy: 15 shilde, saǵat 17:00
Kórmege qatysýshylar: Natalia Gýroraksheeva jáne Alina Julamanova
Kýratorlar: Olia Veselova jáne Sanjar Serikpaev
