EEO jáne BUU: áriptestik arqaýy
Saiasattanýshy, «Eýraziia álemi» pikirsaiys klýbynyń jetekshisi Edýard Poletaevtyń aitýynsha eki iri birlestiktiń áriptesip jumys isteýine barlyq múmkindik bar.
– Biyl BUU Bas Assambleiasynyń 70-shi sessiiasy ótedi. Jalpy biylǵy jyly osy uiymnyń shtab-páterinde (Niý-Iorkte) Eýraziialyq odaqtyń tanystyrylymy ótken bolatyn. Óz kezeginde osy odaqqa múshe elder uiymnyń 70-shi sessiiasynda baqylaýshy statýsyn alarynan úmitti.
Bul óz kezeginde bizdiń uiymǵa úlken múmkindik berer edi. Eger baqylaýshy statýsyna ie bolsaq Bas Assambleianyń jiyndaryna qatysa alamyz. Kóptegen mańyzdy qujattardy talqylaityn bolamyz. Saiyp kelgende mundai statýsqa qol jetkizsek Eýraziialyq odaq BUU aiasynda kóptegen problemalardy sheshýge aralasa alady. Al BUU-nyń ózi bizdei uiymdarmen jumys isteýge muhtaj, – dedi Poletaev
Al Ulttyq áskeri-strategiialyq zertteýler ortalyǵynyń ǵylymi qyzmetkeri Andrei Hannyń aitýynsha BUU men Eýraziialyq odaqtyń birigip jumys isteýinen paida da, ziian da bolmaidy. «Biraq, Eýraziialyq odaqqa nátije kerek. Alaida dál bizdei uiymdar álemde jetip artylady. Halyqaralyq quqyqtyń sýbektisi bolyp tabylatyn 400-dei uiym bar. Onyń ústine Bas Assambleia asa mańyzdy máselelerdi álemdegi eń iri memlekettermen birge talqylaityny belgili. Bul arada birinshi kezekte Reseidiń pikiri nazarǵa alynady.
Odan keiin bul birigý tez arada taǵy júzege aspasyn túsiný kerek. ASEAN, ShYU, Afrika odaǵy siiaqty uiymdar BUU-men áli tolyq integratsiialanǵan joq. Buǵan ýaqyt kerek. Dál qazir BUU-men tyǵyz bailanys ornatqan uiymdardyń biri bul – EýroOdaq», – dedi maman óz sózinde.
Almaty qalasyndaǵy Qazaqstan strategiialyq zertteýler institýty ókildiginiń jetekshisi Mádina Nurǵalievanyń pikirinshe, Eýraziialyq odaqqa aimaqtyq deńgeiden asyp, jahandyq deńgeige shyǵatyn ýaqyt keldi.
– BUU-nyń baqylaýshy statýsyna ie bolsaq bul biz úshin tek saiasi nemese ekonomikalyq tiimdilik emes, bul imidjdik bonýs, – dedi ol.
Óz kezeginde «Almagest»konsaltingilik kompaniiasynyń direktory: «Aidarhan» Qusaiynov: «Mundai statýsqa ie bolsaq, bul álemniń bizdiń uiymdy resmi moiyndaǵany bolyp esepteledi. Bul biz úshin «tólqujat» alýmen birdeidi. Biraq, bulai jasar bolsaq Resei kúsheiip, Qazaqstannyń pozitsiiasy álsireýi múmkin. Budan burynǵy birlesken uiymdarda aishyqtalǵan kóshbasshy joq edi. Degenmen, bul bizge óte tiimdi qadam bolmaq.Odaqqa múshe memleketter EEO-nyń atynan sóileitin múmkindikke ie bolady» dedi.
Jiyndy túiindegen saiasattanýshy Zámir Qarajanovtyń pikirinshe, Eýraziialyq odaqtyń BUU-nyń baqylaýshy statýsyna ie bolýy dál qazir neǵaibyl. «Sebebi, Ýkraina máselesi barda Amerika Reseimen bailanysty barlyq uiymdardy aiaǵynan tusap otyr», – dedi ol.
