E. Qarin: «Erdoǵan búlikshilerdi jeńdi, biraq qoǵamdaǵy bólinýshilik saqtalýda»
"Túrkiiadan kelip túsken aqparattar kóp adamdy tańǵaldyra qoimaǵan bolar, sebebi túrik qaýymynda Erdoǵannyń saiasatyn qoldamaityndar az emes. Belgili bir deńgeide jalpy sol eldegi ahýaldyń nátijesinde bolǵan dúnie. Áskeri kóterilis iske aspaǵannyń ózinde de bul – halyqtyń jáne de elitadaǵy qaýymnyń Erdoǵannyń saiasatyna degen narazylyǵynyń kórinisi. Kóterilistiń iske aspaý sebebi Erdoǵanǵa qarsy barlyq áskeri bólimderdiń shyqpaǵandyǵy. Qastandyq jasaýshylar retinde áskeri bólimniń bir ǵana toby shyqqan, olar joǵary qyzmettegi adamdar bolmaýy da múmkin. Sebebi sońǵy jyldary Erdoǵan óz biligin nyǵaitý maqsatynda eldegi áskeri elitadaǵy adamdardyń kózin joiyp otyrǵan, sebebi osyndai áskeri kóterilistiń bolýynan qoryqqan", – dep paiymdaidy saiasattanýshy.
Túrkiiada ártúrli quqyq qorǵaý organdarynyń qyzmetkerleri ustaldy jáne de solarmen qosyla jumys jasaǵan jýrnalister, qoǵam belsendilerin sottaý, qamaýǵa alý jumystary kóptep júrgizilgen. Bularǵa áskeri kóterilis uiymdastyrmaq boldy degen aiyptar taǵylǵan. Belsendi toptar burynnan zalalsyzdanǵan soń, túnde bolǵan tóńkeristiń jeńispen aiaqtalmaýy da sol sebepti deidi maman.
Túrik qoǵamynyń arasynda osydan birneshe jyl buryn azamattyq belsendiler Ystambulda Erdoǵan saiasatyna qarsy shyqqan bolatyn. Alaida, sol kezde memleket munyń aldyn alyp, Erdoǵandy jaqtaýshylardyń basym ekendigin kórsetken.
"Soǵan qaramastan sońǵy jyldary Erdoǵannyń jaqtaýshylary azaiyp bara jatqandyǵyn kórip otyrmyz. Aldyńǵy jyly Erdoǵannyń "Ádilet jáne damý partiiasy" parlamentten birden basymdyqqa ie bola almady, sebebi ol basqa da partiia liderlerimen kelise almady. Jaǵdaidy paidalana otyryp, óz partiiasynyń pozitsiialaryn ázer saqtap qalǵan bolatyn. Alaida jarty jyl ótken soń "Aq partiia" basshysy Túrkiia premeri aýysqan, sodan keiin Erdoǵannyń óz arasynda senimsizdik paida bolýyna sebep bolǵan. Buǵan qosa onyń aldynda Erdoǵannyń jaqtastary men buryńǵy el prezidenti Abdýlla Gúldiń jaqtastary arasynda bólinýshilikter júrgen. Osynyń ózi-aq Erdoǵan jaqtastarynyń arasynda qarama-qaishylyq paida bolyp, ol birte-birte úlkeie bergen", – deidi Qarin.
Onyń oiynsha, Túrkiiada túnde bolǵan kóterilistiń sebebi kóp: eldegi ekonomika jaǵdaiy, kúrdter máselesi jáne túrikterdiń ishki saiasaty – el ishinde osy ispettes qaqtyǵys paida bolyp, qoǵamnyń bólinýine ákelgen.
"Sondyqtan meniń oiymsha, bul tóńkeristen góri Túrkiia úshin eń qorqynyshtysy - kópshiliktiń birimen-biri janjaldasýy. Osy habarlamalardyń ózinen-aq elde qandai jaǵdai ekendigin kórýge bolady. Erdoǵandy jaqtaýshylar men oǵan qarsy kelýshiler qolyna qarý alyp birine-biri oq atsa ne bolmaq?", - deidi maman.
"Búgin, sózsiz, Erdoǵan jeńdi, sebebi jaǵdai sonyń qolynda. Bul jaǵdaida kópshiliktiń qoldaýymen oǵan belgili bir ýaqytqa deiin el lideri bolýyna septigin tigiezdi. Alaida bul aldamshy jeńis, sebebi adamdar kóshege Erdoǵandy jaqtaý úshin emes, eldegi saiasi qurylymdy saqtaý úshin jáne Túrkiia demokratiiasyn qorǵaý úshin shyqqan.
Kóterilistiń beti qaitarylǵannyń ózinde de kópshilik arasynda kelispeýshilik áli de bar. Onyń oiynsha, bul bólinisýdi ary qarai kúsheitýi múmkin. "Sondyqtan, árine, Túrkiianyń aldynda budan da qaýipti qaterler bolýy múmkin, sebebi qazirdiń ózinde DAISh lańkesteri men kúrd sodyrlarynyń shabýyly bolyp jatyr sol elde. Bul da qaýipti jaǵdai", - dep túiindedi ol.
