Qazaqstan dziýdo federatsiiasynyń prezidenti Aidar Mahmetov Serik Sápievtiń orynbasarymen aradaǵy jaǵdaiǵa bailanysty resmi málimdeme jasady, dep habarlaidy Dalanews.kz.
Onyń aitýynsha, janjal turmystyq nemese jeke sebeptermen emes, tek qyzmettik máselelerge bailanysty týyndaǵan.
Aidar Mahmetovtyń sózinshe, ol Serik Sápievtiń ózimen sóilesken.
«Men qazir ǵana Serik Sápievpen sóilestim. Onyń orynbasary Esimhanovpen aradaǵy túsinispeýshilik tek jumys barysyndaǵy máselelerden, naqtyraq aitqanda qajetti qujattardy usynýdan bas tartýyna bailanysty shyqqan», – dedi federatsiia direktory.
Sonymen qatar, ol áleýmettik jeli men birqatar aqparat kózderinde taraǵan dene kúshin qoldaný týraly aqparatty joqqa shyǵardy.
«Qandai da bir fizikalyq qaqtyǵys boldy degen aqparat shyndyqqa janaspaidy. Eshkim eshkimdi urǵan joq. Buqaralyq aqparat quraldarynan mundai qaýesetterdi taratpaýdy suraimyz», – dep málimdedi Aidar Mahmetov.
Federatsiia ókiliniń aitýynsha, qazirgi tańda jaǵdai tolyq rettelgen.
«Qazir másele tolyq sheshildi. Taraptar ózara túsinistikke keldi, janjal tolyǵymen aiaqtaldy», – dedi ol.
