Marketing jáne satý departamentiniń direktory Denis Trandafilovtyń aitýynsha, qazirgi ýaqytta keibir janarmai beketterinde dizel baǵasy qubylyp tur. Onyń basty sebebi – tapshylyq.
– Dizel otynynyń tapshylyǵy men qymbattaýyna birneshe sebep bar. Atap aitar bolsam, birinshiden, Qazaqstan Respýblikasynyń aýmaǵy arqyly ótetin tranzittik tasymal ulǵaidy. Sonymen qatar bizdiń elde dizeldiń baǵasy kórshi eldermen salystyrǵanda tómen. Ekinshiden, aýyl sharýashylyǵy taýar óndirýshileriniń egin jinaý naýqany bastalyp, jol qurylysynyń maýsymy aiaqtaldy. Úshinshiden, munai óńdeý zaýytyndaǵy josparly jóndeý jumystary da áser etti. Tórtinshiden, import jetkizilimderiniń bolmaýy, – deidi «Helios» kompaniiasynyń ókili Denis Trandafilov.
Spikerdiń sózinshe, jaǵdaidy turaqtandyrý úshin qazan aiynda júz myń tonnaǵa jýyq dizel otynyn importtaý qajet.
– Qazirgi ýaqytta biz reseilik munai ónimderin óndirýshilermen kelissóz júrgizip jatyrmyz. Dizel otynynyń importtyq baǵasynyń joǵary bolýyna qaramastan, ony Qazaqstan Respýblikasynyń ishki naryǵyn qamtamasyz etý úshin satyp alý óte mańyzdy, sodan keiin janarmai beketterinde baǵany tiisti túrde túzetý qajet, bul eldegi dizel otynyna qatysty jaǵdaidy turaqtandyrady, – deidi ol.
