«Diplommen aýylǵa» baǵdarlamasynyń jastarǵa bereri kóp
Mine, osyndai údeden shyǵyp, baǵdarlama aiasynda memlekettiń kómegin alǵan jastardyń biri – Shý aýdanynyń turǵyny Samal Bolatbek. 2010 jyly mektepti bitirgen ol Taraz memlekettik pedagogikalyq institýtyna oqýǵa túsken. Atalmysh oqý ornyn 2014 jyly «Áleýmettik pedagogika jáne ózin-ózi taný» mamandyǵy boiynsha támamdap Samal, osy salada eńbek etýdi kózdepti. «Áleýmettik pedagogtar, ásirese, aýyldy jerlerdegi ata-anasynyń qamqorlyǵynsyz qalǵan balalar men áleýmettik az qamtylǵan mektep jasyndaǵy balalarǵa kómek kórsetýde taptyrmaityn mamandyq. Sol sebepti, qolǵa diplom tiisimen, aýyldyq jerge jumysqa turýǵa asyqtym. Osy tusta, jas túlekter úshin taptyrmaityn «Diplommen aýylǵa» baǵdarlamasymen tanysyp, sol baǵdarlama arqyly Shý aýdanynda ornalasqan Birlik aýylyndaǵy M.H.Dýlati atyndaǵy orta mektepke jumysqa turdym», - deidi ol.
Búginde atalmysh baǵdarlamanyń arqasynda turaqty jumyspen qamtylǵan Samal alǵashqy jyly 138 myń teńge kóleminde bir jolǵa jeńildetilgen kóterme járdemaqyǵa ie bolypty. Sonymen birge, aýyldan úi alý úshin kezekke de turǵan. Mine, sodan beri atalmysh mektepte áleýmettik pedagog qyzmetin atqaryp júrip, 2017 jyly «Diplommen aýylǵa» baǵdarlamasy arqyly kópten kútken baspanasyna da qol jetkizgen.
Bul baǵdarlama elimiz erkindik alǵaly bergi aýyldy jerlerdi damytýǵa baǵyttalǵan qarqyndy qadamdardyń biri boldy. Təýelsiz Qazaqstannyń jańa tarihynda jastardyń oiyp turyp oryn alýyna, óz bilimi arqyly aýyldy jerdi kórkeitýge jáne sol arqyly memleket usynǵan kómekke qol jetkizýge tamasha múmkindik týdy.Aýyl qainaǵan tirshiliktiń ortasy, sezine, túsine bilgen adamǵa úlken mektep.Qajetti bilimdi meńgergen, aýyldyń abyroiyn kóteretin, ómirin ózgertetin jigerli jas qashan da tabylady. Sonymen qatar, sol aýyldan shyqsańyz tipti jaqsy. Aýyldyń əleýmetine qanyq, jaǵdaiyna jetik bola turyp, sol eldiń erteńi úshin aianbai eńbek etý siz ben bizge mindet. Jany otansúigishtik sezimine sýsyndaǵan, boiyna ultjandylyq qasieti daryǵan jas óren uly isterdi jasaýǵa daiar. Al, bul qasietter ərbir azamattyń boiynda mektep jasynan qalyptasady. Iaǵni, jobanyń bastaýy- mektep dep aitýǵa tolyq negiz bar. Jasty mektep qabyrǵasynan bastap týǵan jerdi súiýge, kurmetteýge, adal qyzmet etýge tərbielesek, jas mamannyń týǵan eline týra tartatyny anyq.
