Jarq etken juldyzdy qyzǵanyp, kóre almaý ókinishke qarai, zańdy qubylys. Qazaqtyń óner adamdary ishinde qyzǵanysh qurbany bolǵandary jeterlik.
Ámireni ýlaǵan kim?
Muqym Eýropany zor daýysymen tań qaldyrǵan, jez tańdai ánshi Ámire Qashaýbaevtyń ómiri tragediiamen aiaqtalǵany belgili. Frantsiia tórinde álem elderiniń zor daýysty ánshileri qatysqan dodada KSRO atynan Ámire Qashaýbaev I-oryndy ielenedi. Ol kezde baiqaýdyń Gran-pri júldesi eshkimge berilmepti. Óitkeni KSRO ondai júldege saiasi turǵyda ylaiyq dep sanalmapty. Qalai degenmen de álem eń myqty dep qazaqtyń Ámiresin moiyndaǵan ǵoi. Mine, osyndai joǵary deńgeidegi ánshi el aralap júrgende kóz jumady.
Ámireniń ishken syrasyna ý qosyp bergen degen alyp-qashpa áńgime bar.
„Jel turmasa shóptiń basy qimylmaidy„ demekshi, ol óz áriptesteriniń qyzǵanyshy saldarynan osylai opat bolǵanǵa uqsaidy.
Kúlásh apaiǵa jabylǵan jala — "araq iship, gýliat etken"
Al qazaqtyń bulbul ánshisi Kúlásh Baiseiitovany bilmeitin adam kem de kem shyǵar.
Mine, osy apaiymyzdyń ólimine sebepker bolǵan «domalaq» aryzdy 6 adam jazǵan. Aralarynda opera teatrynda qyzmet jasaǵan 4 KSRO halyq ártisi bar.
Esimderin tizimdeýge til barmaidy. Jalaqorlar «ol araq ishedi, gýliaet» dep jala jaýyp, qyzǵanyshtan Qytaiǵa baratyn issapardan Kúláshti qaldyrǵany belgili.
Aryzdy estigen Kúlásh «bulaisha jer basyp júrgenimshe, ólgenim jaqsy» depti. Kóp uzaǵan joq. Máskeýde qonaq úide júrek talmasynan kóz jumdy. Ariialar men operalyq qoiylymdarda Qyz Jibek, Qadisha, Aqjúnis pen Saralardyń beinelerin somdaǵan Kúlásh ónerde jarq etti de, qyzǵanyshtyń qurbany boldy.
Ol ol ma, táýelsizdik alǵannan keiin de Kúlásh apaiǵa jasalǵan qastandyq áli jalǵasyp keledi. Kúlásh esimi endep berilgen Astanadaǵy teatrdan ol kisiniń atyn eleýsiz alyp tastaǵan!..
Mine, kórdińizder me, talantyn qadirlemek túgil ózin taptap ótýge daiyndar bar bizde. Al olar búginderi Qytaidy dúr silkintip, óz ulty — qazaqtyń atyn tanytyp jatqan japyraqtai ulymyz — Dimashty aiasyn ba?.. Qudai betin ári qylsyn. Degenmen oǵan qatysty óner adamdary arasynda kúńkil áńgime bastalyp ketkenge de uqsaidy.
Dimash týraly: Besikten beli shyqpai halyqtyń súikimdisine ainalatyndai qandai eńbegi sińipti onyń?
— Jeke paraqshama nazyn aitqan bolyp «beli besikten shyqpai halyqtyń súikimdisine ainalatyndai qandai eńbegi sińipti onyń?» — deid bir FB dosym.
Uqqanym, ánshiler bas qosyp Dimashty talqyǵa salǵan kórinedi. Ákesi ólgendi de estirtedi, deidi qazaq: Ol — Dimash!
Bizdiń, iteńdep, otyz jyl júrip ótken jolymyzdy Dimash bir-eki jylda zýyldatyp júgirip shyqty! «Shtýchnyi» óner! Anandai daýys múmkinshiligimen, sahnalyq symbatymen ony endi óz deńgeiimizge túsire almaimyz! Biiktesin! Bes jyl bolmappyn elde. Dimashty estigen emespin. Osydan bir ai buryp estidim … Shalqamnan tústim! Esimdi jiyp, otyryp tyńdaityn jaǵdaiǵa jettim.
Prichem týt onyń jastyǵy?! Ras, barlyq ánderi birdei emes. Rok án aitý ońai emes. Ózi de túsinip otyr. Sońǵy estigenim «Daididaý». Ánderi bir-birine uqsamasa eken. Ol úshin mýzykalyq teksti árleý joldary ár túrli bolsa eken. Emotsiia degen jaqsy, biraq joǵarǵy tessitýrada «isterikaǵa» ketip qalady.
Onyń jasynda men ne bitirdim? Sender ne bitirdińder?! Másele jasta emes! Másele ónerdiń biiginde!
Bir ǵana ótinish, Dimashty saiasi koniýnktýradan aýlaq ustaiyqshy. Qasyndaǵy ómir tájiribesi bar adamdar, saq bolyńyzdarshy!
», — dep jazdy rejisser óziniń Facebook-paraqshasynda.
Iá, saiasi taqyrypqa da aralastyryp jatqandar bar. Sonyń biri — dintanýshy Murtaza Bulytai. Qysqasha qaiyrǵanda, Murtaza aǵamyz el ekonomikasyna qomaqty qarjy salǵan Qytai bizdi jaýlaý úshin osylai qoldan kótermelep jatyr dep Qytai fobiiasyn eske saldy. Biraq oǵan Dimashtyń ákesi óte saýatty jaýap berdi. Biz de sol kezde aitqan óz oiymyzdy osy joly taǵy da qaitalai ketkimiz keledi.
Qazaqstan — táýelsiz el. Táýelsiz el qorqynyshtardy jeńbei, aq pen qarany ajyrata almai, táýekelderge bas tikpei, alǵa jylji almaidy. Iá, aqparattyq maidannyń maqsaty — túrli fobiiamen adamdardyń záre-qutyn alyp, baqylaýda ustaý.
Bizdi buryn Amerikamen qorqytatyn, qazir Qytaimen qorqyta bastady, túrli lań dánegin seýip úlgergen Reseiden óz-ózimizden úreilenemiz. Sonda biz kimbiz?.. Qandai elmiz?..
Ónboiyn qorqynysh bilegen adam jańashyldyq jasai ala ma?.. Bul suraqtardyń jaýaby elimizdiń damýy men jarqyn bolashaǵy ózge túgili, óz qorqynyshyn jeńe almai júrgen jaltaq eskiniń emes, oi-sanasy táýelsiz, eshqandai fobiiaǵa bylǵanbaǵan jańa býynnyń — tek jastardyń qolynda ekenin ańǵarta alady dep oilaimyz.
Endeshe, jasymyz jasymasyn dep tileiik, aǵaiyn! Eń bastysy, Bolat aǵa eskertkendei, baiqańyzdarshy Dimashty!
Daiyndaǵan, Kámshat SÁTIEVA
Derekkóz: kaz.365info.kz
