Bul týraly Qazaqparat habarlaıdy.
Joba talaptaryna sáıkes, Singer qatysýshylarynyń ónerin túsirilim kezinde zalda otyrǵan 500 kórermen sheshedi. Olar ózderi úzdik dep sanaǵan ánshige daýys berip, sońynda jeńimpaz ben jobadan shyǵatyn bir qatysýshyny anyqtaıdy.
Dál qazir Dımashtyń jartylaı fınalda kórsetken ónerine daýys berý júrip jatyr. Daýys berip úlgermeseńiz, myna siltemeniń ústinen basyp, Dımashqa qoldaý kórsetýińizge bolady.
Bul joly tyńdarmandar erekshe belsendilik tanytýda. Ázirge Dımash 87,7 mıllıon daýyspen ekinshi orynda tursa, birinshi oryn 138,6 mıllıon daýys jınaǵan qytaı ánshisiniń enshisinde.
Ǵalamtor jelisinde júrip jatqan bul daýys berý Dımashtyń saıystaǵy nátıjesine áser etpeıdi. Tek tyńdarmannyń kózqarasyn, talǵamyn anyqtaıdy.
Este bolsa, ótken senbide Hunan TV arnasynan Singer-diń jartylaı fınaly kórsetildi. Dımash ıtalándyq ánshi ári mýzykant Adrıano Chelentanonyń «Confessa» áni men «5-element» kınosynyń «The diva dance» arıasyn qosa shyrqady. Singer-diń jeńimpazy 15 sáýirde tikeleı efırde belgili bolmaq. Dımash aqtyq synda qytaılyq ánshi Shań Venjemen dýet aıtady. Jeńimpazǵa «Patsha ánshi» ataǵy beriledi.
