Túriktiń BAYAN YANI jýrnaly Dımash jaıly maqala jarıalady, - dep habarlaıdy stan.kz.
«Adam múmkindiginen tys tehnıkany ıgergen bir-aq adam bar, ol – Dımash. Pop-mýzykada da, ózge janrda da ózin moıyndatqan ánshiler jeterlik. Ne degenmen qazirgi ánshiliginen ótirikshiligi basym, fonogrammen uıalmaı án aıtyp turmyn dep oılaıtyndardyń, aspapty ustap alyp durys notaǵa túse almaı turatyn jalǵan aspapshylardyń, bet-aýzyn jybyrlatyp qana án aıtatyndardyń zamanynda Dımash án álemine erekshe qubylys bolyp keldi. Ol ánshiliktiń qandaı bolatynyn kórsetti.
Dımashtyń daýys dıapazony 6 oktovany ustaı alady. Tómen notadan joǵaryǵa birden sekire alady. Bir ýaqytta eki adamnyń daýsyn sala alady. Ony kórmeı tyńdaǵan adam eki adam án salyp turǵanyna kámil sener edi.
Onyń darynynan bólek, qajymas eńbekqorlyǵy da bar. 7 aspapta oınap úırenip, jan tánimen mýzykany boıyna sińirip ósken.
Bir jobada baqtalasy onyń sýyna uıyqtatatyn dári de salyp jiberipti (Belorýssıadaǵy «Slaván bazary» halyqaralyq báıgesinde - avt). Bul týraly Dımashtyń ózi aıtady. «Mıkrofondy qatty qysyp aldym. Búkil kúshimdi osylaı jınap, ándi sońyna áreń jetkizdim» – deıdi ol.
Dımashtyń án álemine kelýi qur shyńǵyrý men naǵyz daýystyń ara-jigin ajyratyp berdi. Mıkrofondy ustap bosqa shyńǵyratyndar úshin sabaq boldy. Sondyqtan ǵajaıyp daýys ıesi Dımashty qazirgi zamannyń fenomeni deýge bolady», – dep jazady túrik jýrnaly.
https://dalanews.kz/32873
