– Bizdiń ekinshi kýrs stýdentimiz – Dımash Qudaıbergenniń Qytaıda el namysyn qorǵap júrgenin bárimiz jaqsy bilemiz. Buǵan deıin ol «Jas qanatta», odan keıin «Slaván bazarynda» jeńimpaz atanǵan. Qazir Qytaıdaǵy xalyqaralyq baıqaýǵa qatysyp jatyr. Endi, biz ony «Evrovıdenıege» daıyndap jatyrmyz. Sosyn ol «Amerıka daýysyna» qatysady. Búgin ol Los-Andjeles qalasyndaǵy múzıkl-shoýǵa shaqyrý aldy, – dedi Musaqojaeva búgin Astanada ótken jıynda.
Aıta keteıik, qazaqstandyq ánshi Dımash Qudaıbergen Qytaıdaǵy «I am singer» atty xalyqaralyq baıqaýǵa qatysyp jatyr. Birinshi kezeńde ol fransýz tilindegi ándi oryndap, qytaılyq tyńdarmandy tańqaldyrdy. Sońǵy synda úshinshi orynnan kórinse de, jalpy upaı sany jaǵynan birinshi bolyp keledi. Dımash kelesi ánin qytaı tilinde oryndaıtynyn málimdegen.
