«Dımash tanymaldylyqqa ıe bolǵan kezde, barlyq tanystarym men de qazaq qyzy ekenimdi eske sala bastady. Dımash úshin jáne barsha qazaq halqy úshin keýdemdi maqtanysh kernedi. Sol kezde Dımashtyń anıme-obrazyn jasap, ol týraly, onyń ánderi týraly 3-4 mınýttyq anımasıalyq fılm túsirý ıdeıasy týyndady», – dedi «Jebe Visual arts studio»-nyń teń quryltaıshysy Jarqyn Muratqyzy.
Jarqynnyń Shyńjań ýnıversıtetin bitirgennen keıin, 6 jyl buryn, Beıjińge kelip, nıettes birneshe adammen anımasıalyq stýdıalarda jumys isteı bastaǵan. 2013 jyly Se Gosúnmen birlesip, jaýapkershiligi shekteýli seriktestik qurǵan.
«Qazirgi ýaqytta bizde 13 adam jumys isteıdi, ónimderimizdiń deni jarnamalyq rolıkter, 3D-formatqa óńdelgen kórkem jáne múltıplıkasıalyq fılmderdiń epızodtary. Aldaǵy ýaqytta óskeleń qazaq jastary úshin halqymyzdyń mádenıetin, dástúrin nasıhattaıtyn múltfılmder serıasyn jasaýdy josparlap otyrmyz. Múltfılmder arqyly balalarǵa ulttyq mádenıetke degen mahabbatty tıimdi sińirýge bolady. Qazaq ertegileri ekranda kórsetilip júrgen «Dısneı» múltfılmderinen esh kem túspeıdi», – dedi Jarqyn Muratqyzy.
Jebe anımatorlary Dımashtyń anıme-obrazynan bólek, Qytaıǵa tanylǵan qazaqstandyq voleıbolshy Sabına Altynbekovanyń da obrazyn jasaǵan. Qytaı qazaqtary anımasıa salasynda úlken tabystarǵa qol jetkizýde.
