Qazaqstan bıligi BAÁ bıliginiń kómegimen Arman Jumageldıev basqaratyn uıymdasqan qylmystyq toptyń belsendi múshelerin Astanaǵa jetkizgeni belgili boldy, dep habarlaıdy Dalanews.kz Ulysmedia redaksıasyna silteme jasap.

Uıymdasqan qylmystyq toptyń aýyr jáne asa aýyr qylmystardy jasaǵany, onyń ishinde Qazaqstandaǵy memlekettik tóńkeriske baǵyttalǵan is-qımyldarǵa qatysýǵa qatysy bary habarlanady. 

Qylmystyq uıymnyń ustalǵan jáne jetkizilgen músheleriniń arasynda mynadaı adamdar bar: 

Maqsat Dúısenov, top basshysynyń oń qoly, uıymnyń kúshtik blogyna jetekshilik etý, quqyq qorǵaý organdarymen ózara is-qımyl jasaý, ózge de qyzmetti qamtamasyz etýge jaýapty bolǵan;

Ýálıhan Óserbaev, uıymnyń kóshbasshysyna erekshe jaqyn, dostyq qylmystyq uıymdarmen, túrli memleketterdiń bılik qurylymdarynyń ókilderimen qarjy jáne baılanys úshin jaýapty bolǵan.

Buǵan deıin sot Arman Jumageldıevti Qańtar oqıǵalary isi boıynsha 20 jylǵa sottaǵan bolatyn.

Qylmystyq is 2022 jylǵy qaıǵyly oqıǵalardan keıingi basty isterdiń biri dep ataldy. Sottalýshylar oryndyǵynda 40-tan astam adam boldy.