Bul týraly Arnaiy prokýrorlar qyzmetiniń basshysy Rizabek Ojarov málimdedi. Arnaiy prokýrorlar qyzmeti basshysynyń aitýynsha, búginde uiymdasqan qylmystyq toptyń 18 múshesi ustalǵan.
Olardyń adam óltirý, urlyq, tonaý jáne tonaý áreketterge qatysy bar ekenin alǵa tartty.
– «Dikii Arman» degen laqap atpen tanymal Arman Jumageldiev pen onyń tobyndaǵy qarýlanǵan adamdar kóshede kezdeisoq ótip bara jatqan adamdardyń arasynan 24 beibit turǵyndy urlap, kúshtep ustaǵan. Olardy aldymen bir jerden ekinshi jerge aparyp, uryp-soǵyp, nátijesinde bir adam qaza tapqan. Sonymen qatar, qaraqshylar buǵan deiin 12-shi qalalyq aýrýhanada qatty soqqyǵa jyǵylǵan politseidiń qyzmettik qarýyn alyp ketken, – dedi Rizabek Ojarov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, atalǵan fakt boiynsha qylmystyq is tergelýde.
– Áleýmettik jelilerde Jumageldiev bosatyldy nemese belgisiz jaqqa jetkizildi degen túrli boljamdar men jalǵan aqparattar taralyp jatyr. Is qosymsha tergeý úshin arnaiy prokýrorlarǵa jiberildi. Biz ony UQK ýaqytsha ustaý izoliatoryna aýystyrdyq. Ol sonda qamaýda otyr, – dep qosty Arnaiy prokýrorlar qyzmetiniń basshysy.
